Temë ë këtij debati ishte Zonimi i Parkut Nacional- Bjeshkëve të Nëmura.
Të pranishëm në këtë takim ishin zyrtar komunal,përfaqësues të shoqërisë civile dhe grupe të tjera të interesuara. Në këtë takim është diskutuar lidhur më rregullimin hapësirave të zonave që shtrihen në pjesën e komunës së Deçanit, të cilat zona janë në kuadër të Parkut Nacional.
Bashkim Ramosaj, Drejtor i Administratë së Përgjithshme bëri elaborimin më të gjerë duke paraqitur në mënyrë grafike më geoportal dhe video-projektor duke dhënë sqarime prej bjeshkës së Jedovës deri të Zalli i Rupës, i njëjti vazhdoj me prezantim edhe për lokacionin e quajtur Lugut i Gatë (Gjatë), për këtë pjesë, ai propozoj që pjesa gjatësore e ledinës (fushës) të merret si zonë për zhvillim ekonomik ndërsa pjesa tjetër deri të gurrat e Hasan Ages të shpallet zonë strikte. Pjesa majtë të rrjedhjes së Lumbardhit të Lloqanit deri të Koritë e bjeshkës së Carrabregut të shpallet si zonë strikte.
Diskutimi vazhdoj edhe për bjeshkën e Belegut, ku u vendos që bjeshka e Belegut të jetë zonë që takon zonës 3A, zona për zhvillimin ekonomik dhe ndërtim të staneve ndërsa pjesa që lidhë pjesën e bjeshkës së Belegut më bjeshkën e Baballoqit për shkak të llojeve të veçanta të florës dhe faunës të shpallet zonë rëndësisë së parë strikte.
Ndërsa të bjeshka e Prijlepit si zonë strikte u propozua që të jetë zona prej majës së marrashit e deri të kërshat e Kurvallës kurse pjesa tjetër të jetë 3B më kullosat si zonë e II-të.
Pjesa prej Prronit të Gjësë deri të bjeshka e Roshkodolit përkatësisht deri të lokacioni i ashtuquajturi Llovci, të jetë zonë strikte, në të ardhmen të merret si vend potencial për terren alpine. Duhet të veçohet si pikë strategjike që i ndihmon zhvillimit ekonomik të komunës së Deçanit konsiderohet pjesa mbi Kozhnjerr përkatësisht vendi në të cilin kanë qenë të ndërtuara 3 shtëpi të ish APJ-së prej të cilave mund të lidhen të tri degëzimet e majave më të larta të bjeshkëve që gjenden në kuadër të komunës. Në këtë lokacion në qoftë se ndërtohet një hotel do të jetë hotel bazë për zhvillimin e turizmit në komunën e Deçanit. Ndërsa Blerim Bajraktaraj, inxhinier i arkitekturës propozoj që zonat 3A, të cilat janë të përcaktuara sipas hartës si zona për ndërtim të staneve këto zona të shtohet sipërfaqja e tyre për ndërtim të staneve të reja ndërsa kullosat të trajtohen si zona të kategorisë së II-të.
Nga ky debat doli si përfundim, të formohet grupi i ekspertëve që ti përgatitë hartat më përpjesëtim 1:25000 si dhe harta që përmbajnë shënime topografike, në bazë të cilave do të përkufizohen zonat e hijezuara, më këtë hijezim do të prezantohet pjesa e propozuar nga komuna si zona strikte, zona 3B- zona për zhvillim ekonomik, si dhe zonat e kullosave-zone e II-të, si dhe zonën e lirë-3C.
Pas hartimit të propozimeve të lartpërmendura mbete që të futet si pike e rendit të ditës për miratim në mbledhjen aradhes të asamblesë komunale e cila do të mbahet më 29 Qershor 2015
