Sot në objektin e sallës për debate në Komunën e Deçanit, u mbajt debati publik për Propozim Rregulloren (Për Lartësinë e Taksave, Ngarkesave,Tarifave dhe Gjobave Komunale). Në debat të pranishëm ishin i pari i komunës z.Rasim Selmanaj , kryesuesi i asamblesë komunale z.Jashar Dobraj , drejtorë të drejtorive, kryetarët e fshtarave, shoqëria civile, ekspert të lamisë juridike, subjektet politike që veprojnë në komunën e Deçanit, si dhe të pranishëm të tjerë. Mbajtja e debatit publik për Propozim Rregulloren (Për Lartësinë e Taksave, Ngarkesave,Tarifave dhe Gjobave Komunale), ka të bëjë me propozimin mbi lartësinë e tarifave dhe ngarkesave për shërbimet nga veprimtaritë komunale në territorin e komunës së Deçanit, që duhet t’i paguajnë personat fizikë dhe juridikë në emër të shërbimeve komunale, lëshimit të dokumenteve publike, përpilimit të shkresave dhe ofrimit të shërbimeve profesionale sipas kërkesës së palëve, apo sipas detyrës zyrtare, tarifave për ushtrimin e veprimtarisë së biznesit dhe tarifave për shërbime profesionale, pronësisë së automjeteve motorike, përdorimit apo shfrytëzimit të pronës komunale, ngarkesave për ndërtimin dhe rrënimin e objekteve, shfrytëzimin e burimeve natyrore, të hyrave nga qiradhënia dhe gjobat nga trafiku
Gjithashtu kjo rregullore specifikon burimet e të hyrave vetanake komunale në përputhje me legjislacionin në fuqi janë:
1. Tatimi në pronën e paluajtshme
2. Ngarkesat për shërbimet Komunale
3. Tarifat për shërbimet e Administratës Komunale
4. Gjobat ne Trafik dhe gjobat për shkeljen e Rregulloreve Komunale dhe
5. Të hyrat tjera te lejuara sipas dispozitave Ligjore
Mendimet e pranishmeve në këtë debate do të inkurpurohen në propozim rregulloren e përmendura, e cila rregullore ka kaluar leximit të pare që është bërë në Asamblen Komunale mandje edhe pas debatit publik do ti nështrohen Kuvendit Komunale në seancen e rregullt të rradhës së Asamblesë Komunale.
