E kryesuar nga kryesuesi i Asamblesë z.Jashar Dobraj , është mbajte mbledhja e IX-të e rregullt e Asamblesë Komunale më këto pika të rendit të ditës. Ne ketë seance te fundvitit ishin te parapara këto pika te rendit te ditës:
1. Shqyrtimi dhe miratimi i procesverbalit nga mbledhja e kaluar
2. Shqyrtimi i projekt-Rregullores për Bashkëpunimin e Komunës me Fshatrat , vendbanimet dhe Lagjet Urbane në territorin e Komunës së Deçanit ,
3 .Shqyrtimi i raportit të punës së Kryetarit të Komunës,
4. Shqyrtimi i raportit analitik financiar 9(nëntë) mujorë,
5. Shqyrtimi në parim i Strategjisë Komunale për Informim dhe Komunikim
6. Shqyrtimi i Propozim-Vendimit për dhënie në shfrytëzim të Fabrikës së Mjaltit ,,Golden Honey’’
7. Të ndryshme
Pas miratimit të procesverbalit nga mbledhja e kaluar , kryetari i komunës z.Rasim Selmanaj ,para asmableistëvë ,dhe ekzekutivit komunalë dha raportin e punës brenda vitit 2014.“Për mua si i pari i komunës nuk ka qenë vit i lehtë viti 2014, më vet faktin se Kosova, ka pas dy palë zgjedhje, vonesat e shkaktuara në ndërtimin e qeverisë kanë sjellë edhe telashe por ne nuk jemi ndalë kemi punuar dhe kemi arritë që të përmbyllim më sukses mbi 40 projekte, në infrastrukturë rrugore , kanale të ujitjes , renovim shkollash , asfaltim të terreneve sportive ,dhe investime tjera tha kryetari i komunës z.Rasim Selmanaj , ku dhe bëri një rezyme të punës një vjeçare para të pranishmëve në këtë debat. Nuk do të thotë se më përfundimin e këtyre projekteve ne do të ndalemi , do të vazhdojmë edhe më tutje që të jem sa më afër qytetarit për të realizuar bashkë kërkesat e tyre për krijimin e kushteve më të mira për jetesë.
Në prezantimin e këtij raporti nga kryetari Selmanaj , kishte edhe pyetje nga Asamblistët për të cilat u dhanë edhe përgjigjet konkrete nga vet kryetari Selmanaj.
Në piken e rendit të ditës lidhur më Shqyrtimi i projekt-Rregullores për Bashkëpunimin e Komunës me fshatrat , vendbanimet dhe Lagjet Urbane në territorin e Komunës së Deçanit , kjo rregullore i është nënshtruar diskutimeve publike ,dhe i ka kaluar të gjitha proceduarat e parapara sot është miratuar edhe nga Asambleja komunale.
Ne piken e rendit të ditës lidhur më Shqyrtimi i raportit analitik financiar 9(nëntë) mujorë,
Për raportin e Analitik Financiar , sqarimet e duhura u dhanë nga drejtori për buxhet dhe financa z.Agron Demukaj .
Ndryshe raporti 9(nëntë ) mujor i shpenzimeve nuk votohet nga asambleja komunale .
Në piken e rendit lidhur më Shqyrtimi në parim i Strategjisë Komunale për Informim dhe Komunikim, pas prezantimit të draftit të parë të kësaj strategjie me anë të projektorit nga zyrtarja komunale Ajne Iberhysaj , është kërkuar që grupit punues të kësaj strategjie ti bashkohen edhe asambleistët në mënyrë që të japin kontributin e tyre në jetësimin kësaj strategjie mbase do ti nënshtrohet edhe diskutimeve publike. Drafti i parë i kësaj strategjie është aprovuar ne ketë seanc.
Në piken e rendit të ditës lidhur më Shqyrtimin e Propozim-Vendimit për dhënie në shfrytëzim të Fabrikës së Mjaltit ,,Golden Honey’’ nga asambleistët është kërkuar që komisionin në përbërje te të gjitha subjekteve politike dhe shoqëria civile i ndërtuar në vitin 2013, të mblidhet dhe të hartoi një raport që në seancën e parë të vitit 2015,të sjellë kriteret mbi ankandin publik për dhënie më qera të Fabrikës së Mjaltit ,,Golden Honey’’
Poashtu në këtë seancë janë sjellë edhe rekomandimet e grupit punues mbi dëmet e pyjeve në komunën e Deçanit nga seanca e jashtëzakonshme.
Në vijim ju sjellim rekomandimet e këtij grupi të cilat do tu drejtohen instancave më të larta që të mdermarin masat e duhura për parandalimin e kësaj dukurie.
REKOMANIMET E GRUPIT PUNUES MBI DËMTIMIN E PYJEVE NË KOMUNËN E DEÇANIT
Grupi punues i ngritur nga Asambleja Komunale e Deçanit në mbledhjen e jashtëzakonshme të mbajtur me dt.19.12.2014, ku si temë shqyrtimi ka pasë të vetmen pikë: Shyrtimi i shqetësimeve të ngritura në Kuvend mbi dëmtimin e pyjeve të Deçanit, duke u mbështetur në autorizimet që i dha Asambleja ky grup në takimin e mbajtur me dt.24.12.2014 ka nxjerrë këto:
REKOMANDIME
1. Moratorium deri në raportimin e gjendjes faktike të pyjeve në teritorin e Komunës së Deçanit, edhe në pyjet publike edhe në ato private.
2. Regjistrimi i gjendjes faktike të pyjeve private-Raport mbi lejet e dhëna dhe sasinë e shfrytëzuar.
3. Raport për shfrytëzimin e masës drusore të lejuara nga Drejtoria e Parkut Nacional për pyjet private, për masën drusore kur është bërë hapja dhe ndërtimi i rrugës Zalli i Rupës-Pllaqicë e Vokshit, si dhe kërkojmë sqarim a ka pasë leje për prerje masive posaqërisht në pjesën Bjeshkë e Madhe, Zhig apo në ndonjë pjesë tjetër.
4. Në rastet e dhënies së lejes për drutë për djegëse, pjesa e drurit mos të ketë gjetësinë mbi një metër.
5. Rojet e pyllit të paisen me radiolidhje, fotokamera dhe armë sipas dispozitave ligjore në fuqi.
6. Të bëhet vendosja e kamerave në të gjitha Laurat në teritorin e Komunës
dhe në pikëkalimet tjera.
7. Të bëhet formimi i Policisë pyjore për hapësirën e Parkut Nacional,
Veqanërisht në teritorin e Komunës së Deçanit.
7. Asambleja të ngritë një Komision i cili do të bëj mbikëqyrjen e punëve në teren.
Me këto Rekomandime do të njoftohen: Agjensioni i pyjeve, Drejtoria e Parkut Nacional, Ministria e Bujqësisë, Pylltarisë dhe Zhvillimit Rural dhe Ministria e Punëve të Brendshme.
Deçan, dt.30.12.2014 Kryesuesi i Kuvendit:
Jashar Dobraj
