Komiteti për Politik dhe Financa (KPF), ka mbajtur sot takimin e parë për vitin 2014.
E udhëhequr nga kryesuesi i këtij komiteti z.Jashar Dobraj , janë shqyrtuar këto pika të rendit të ditës.
- Shqyrtimi i Propozim-Vendimit për mbajtjen e mbledhjeve të rregullta dhe mbledhjeve publike të Kuvendit dhe të KPF-së për vitin 2014,
- Shqyrtimi i Propozim-Vendimit për orientimin e të hyrave të bartura të vitit 2013 në vitin 2014,
- Shqyrtimi i Propozim-Vendimit për themelimin e Çmimit “Krenaria e Deçanit”,
- Shqyrtimi i kërkesave,
- Të ndryshme.
Të gjitha pikat e rendit të ditës kanë mare dritën e gjelbër për Asamblenë Komunale e cila do të mbahet me 28 Shkurt 2014
Në pikën e tretë të rendit të ditës Shqyrtimi i Propozim-Vendimit për themelimin e Çmimit “Krenaria e Deçanit”, në Nenin 3 shkruan se duhet të ndërtohet një komision prej 5 antarëvë me propozimin e kryetarit ndërsa KPF mendon se ky komisionin duhet të ndërtohet në Asamblenë Komunale dhe të këtë përbërjen e të gjitha subjekteve politike.
Në këtë takim është bërë edhe shqyrtimi i kërkesave që I adresohen KPF .
Është miratuar kërkesa e tri shoqatave të dala nga Lufta ,
Shoqata e Familjeve të Dëshmorëve
Shoqata e Invalidëve të Luftës dhe
Shoqata e Veteranëve të Luftës së UÇK-së
Këto tri shoqata kanë kërkuar mbështetjen financiar nga Komuna për nevojat e shoqatave në vlerë prej 10 mijë euro për çka edhe KPF një zëri kanë miratuar kërkesën e këtyre shqotave pasi që është dhënë edhe arsyeshmëria e kësaj ndihme.
Në KPF ,kishte edhe kërkesa tjera të cilat do të shqyrtohen edhe në Asamblenë Komunale .
