E udhëhequr nga kryesuesi i Asamblesë z. Jashar Dobraj, është mbajt mbledhja e VIII-të e rregullt e Asamblesë komunale . Pikat e rendit të ditës ishin : 1. Shqyrtimi dhe miratimi i procesverbalit nga mbledhja e kaluar, 2. Shqyrtimi i Rekomandimeve të Komisionit dhe marrja e vendimit për ofertat e përzgjedhura në bazë të konkursit publik për dhënie në shfrytëzim afatgjatë (99 vite) të pronës komunale, 3. Shqyrtimi i raportit të Auditorit të jashtëm për vitin 2014, 4. Shqyrtimi i raportit 6(gjashtë) mujor të shpenzimeve, 5. Shqyrtimi i Qarkores së II-të buxhetore, 6. Marrja e vendimit për shndërrimin e pronës bujqësore në pronë ndërtimore në fshatin Sllup në bazë të kërkesës së Ramiz Adem Hadergjonaj, 7. Të ndryshme. Pas miratimit të procesverbalit nga mbledhja e kaluar , nga asambleistja e LDK-së , Hyri Dobrunaj , është kërkuar që të hiqen nga rendi i ditës pikat 3 dhe pika 4 , për mbledhjen e radhës ,ky propozim me vota unanime është përkrahur dhe këto pika të rendit të ditës do të diskutohen në mbledhjen e muajit Tetor. Në piken e rendit të ditës lidhur më Shqyrtimi i Rekomandimeve të Komisionit dhe marrja e vendimit për ofertat e përzgjedhura në bazë të konkursit publik për dhënie në shfrytëzim afatgjatë (99 vite)të pronës komunale. Pasi janë bërë të ditura të gjitha detajet lidhur me ofertat e hapura ne mënyrë të rregullt poashtu edhe punën e komisionit qe po kryen në matjen e banesave te secilit veç e veç nga asamblistët është kërkuar që të rritet numri i anëtarëve të komisionit për vlerësimin e këtyre banesave dhe matjen e tyre .Komisioni ka këtë përbërje: Shkelzen Shehu , Vlora Agaj, Shkelzen Goqi,Besim Sejfijaj,Hasan Hulaj,Xheladin Malaj ,Bilall Haderxhonaj ndërsa mbetet te plotësohet edhe me një antar në të ardhmen. Edhe kjo pike e rendit të ditës pas shumë diskutimeve është miratuar me shumicën e votave. Sa i përket pikës së rendit të ditës lidhur më Shqyrtimi i Qarkores së II-të buxhetore, në këtë pikë të rendit të ditës është diskutuar më tepër për shqetësimin e DKA-së , për çështjen e normave shtesë në Arsim dhe mundësin e mbulesës së pagave .Pasi që të gjitha sqarimet janë dhënë nga drejtori i DKA-së z.Qazim Maloku , nga asmableistët është kërkuar që deri në janarin e vitit 2016, te sillet një plan konkret nga DKA-ja lidhur më rregullimin e kësaj situate në arsim. Ndërsa pika e fundit e rendit të ditës lidhur më Marrjen e vendimit për shndërrimin e pronës bujqësore në pronën ndërtimore në fshatin Sllup në bazë të kërkesës së Ramiz Adem Hadergjonaj, është votuar nga të gjithë asamblistëve.
