Në bazë të nenit VIII-të , të Udhëzimit administrativ Nr.27/ MPB dhe 03/2012 të MAPL-së për Këshillin Komunal për Siguri në Bashkësi ,sot ësht mbajt takimi i dytë i KKSB-së .Këtë takim e hapi i pari i komunës z.Rasim Selmanaj , ku të pranishëm ishin të përfaqësuesit e këtij këshilli dhe si pika të rendit të ditës ishin :
1. Miratimi i procesverbalit nga mbledhja e kaluar
2. Çështja e sigurisë në komunën e Deçanit – dhe veçanërisht organizimi për pritjen e bashkatdhetarëve në muajt Korrik-Gusht 2015
3. Të ndryshme
Pas miratimit të procesverbalit nga mbledhja e kaluar dhe pika e dytë çështja e sigurisë në komunën e Deçanit , dhe veçanërisht organizimi për pritjen e bashkatdhetarëve gjatë muajve Korrik-Gusht 2015.
Sa i përket çështjes së sigurisë në komunën e Deçanit, sipas komandantit të policisë Tog.Sejdi Dobraj, tha se mare në përgjithësi situata e sigurisë është në nivel të duhur , nuk kemi ndonjë rast që duhet cekur. Ne si polici e Kosovës kemi hartuar një plan operativ të cilin do ta zbatojmë dhe nuk do të falet askush në rast se thyen rregullat e sigurisë publike e veçanërisht evitimi i rasteve të parkimit të automjeteve neper trotuare që është shndërruar në dukuri për qytetaret , poashtu nga kjo javë do të marrim aksion për përdoruesit e motoçikletave të cilët vozisin pa helmet dhe nuk janë te regjistruar , do tu konfiskohen motorët dhe do të gjobiten.
Ndonëse jemi në sezonin e dasmave edhe këtë vit do të vazhdoi motoja ,,Festo me zemër jo me armë’’ , për ketë dukuri kërkojmë edhe bashkëpunimin me qytetar të na njoftojnë në rast se ka ndonjë shqetësim gjatë ceremonive të ndryshme te kontaktoni me numrin 192 pa pagesë dhe të raportojnë për rastin .
Me këtë rast kryetari Selmanaj, tha se jemi në fazën e përgatitjeve për pritjen e bashkatdhetarëve , në bashkëpunim me zyrën e diasporës do të organizojmë një serë aktivitetesh , të cilat i bëri të ditura zyrtari i diasporës z.Sutki Hulaj .
Hulaj beri të ditur se nga dt 29 deri me 31 Gusht do të mbahet panair tashmë tradicional , koncert festiv , promovime librash dhe një serë aktivitetesh tjera. Për panair në këtë takim është propozuar që të mbahet në rrugën ,,Haki Povataj’’ rruga që të shpije tek dy shkollat e mesme e jo në rrugën ,,Sali Çekaj ‘’ për shkak të frekuentimit të qytetarëve ,por mbetet të vendoset se ku do të mbahet ky panair.
Kryetari Selmanaj , me ketë rast bëri të ditur se janë duke vazhduar punimet ne rregullimin dhe asfaltimin e rrugës që të shpije në drejtim të grykës së Deçanit , poashtu është vendosur ura mbi Lumëbardhin e Deçanit ,e cila lehtëson qarkullimin e qytetarëve për tek uji i thartë , jemi duke punuar intensivisht për rregullimin e ndriçimit të qytetit poashtu në bashkëpunim më drejtorin për administratë kam kërkuar që të krijohet trup shtesë profesionale , për të ju dal në ndihmë zyrës së ofiqarisë dhe qendrës për regjistrim civil për pajisjen me dokumente personale , letërnjoftim pasaportë etj nëse paraqitet nevoja apo shtohen kërkesat e qytetarëve tha Selmanaj.
