Me një Akademi të mbajtur në Sallën e Asamblesë Komunale , në Deçan ,është shënuar 15-vjetori i renjës së Heroit të Kosovës, Sali Çeku.
Në këtë akademi u tha se Sali Çeku ,nuk ishte vetëm një luftëtar, por ishte edhe ideator i çlirimit te Kosovës, ishte ideator i rezistencës kundër regjimit okupues serb dhe natyrshëm se skish siç te mos ishte njeri nder te paret qe dha jetën për çlirimin e Kosovës ne Koshare. Sot kur e nderojmë Sali Çekun, nderojmë gjithë ata djem qe dhanë jetën për liri, nderojmë edhe vetveten sepse mbi atë gjak mbi atë punë ne sot po e ndërtojmë shtetin tonë. Ne sot pikërisht kur nderojmë Sali Çekun ,ne ketë akademi tregojmë se jemi unik dhe dimë që proceset ti qojmë përpara dhe te ndërtojmë shtetin tonë që amaneti i dëshmorëve të jetësohet. E i pari i komunës z.Rasim Selmanaj nder të tjera tha se :
E kam për nder që t’i them disa fjalë modeste karshi veprës madhore të njeriut,i cili dha gjithçka për lirinë e popullit të vet. Sali Çekaj është njëra ndër figurat me markante,i cili me jetën,veprën e tij sublime dhe rënien e tij heroike dha shembullin më të mirë të intelektualit dhe politikanit të kohërave moderne,komandantit dhe heroit të luftës sonë çlirimtare. I edukuar me traditat patriotike te atdhedashurisë,me tiparet e tij burrërore dhe luftarake,qysh ne vitet 90-të ,e rreshtuan atë krah udhëheqësve të ilegales së hershme.
Ishin këto vite përplot ngjarje dramatike e përpjekje për liri,të cilat farkuan shpirtin luftarak te Sali Çekajt,njeriut shumëdimensional,i cili kishte vetëm një ideal në jete: Çlirimin e Kosovës. Me aktivitetin e tij politik,si brenda po ashtu edhe jashtë atdheut,u shqua për largpamësinë dhe pragmatizmin e veçante. Filozofia e tij politike kishte përherë një moto:“Lirinë nuk duhet ta presësh,por ta fitosh”!
Megjithatë, ai ishte dhe mbeti intelektual patriot,i cili i provoi të gjitha sfidat e kohës,juristi që provoi të jetësojë në praktikë kushtetutën e Republikës së Kosovës,dhe njeri nder të parët që ngriti zërin kundër regjimit diskriminues të pushtetit të dhunshëm serb. Me aktivitetin e tij ushtarak ,ai tregoj zotësinë dhe përvojën e mbledhur me vite si gueril i suksesshëm dhe arkitekt i sulmeve mbi forcat policore serbe. Ai më mirë se kush njihte shtigjet e luftës,andej nga kaluan,ranë dhe morën plage me dhjetëra heronj të celulave të para të UÇK-së, si Zahir Pajaziti e Adem Jashari,Luan e Shkëlzen Haradinaj ,Femi Lladrovci,Gjemajl Fetahaj Shefqet Mustafaj,e Enver Alaj.Sali Çekaj u kalit duke marrë e dhënë nga shokët e tij te idealit dhe te luftës, nga shpirti kryengritës i Agim Ramadanit,nga vrulli i Rrustem Bruqit ,duke ia kthyer nderin e nëpërkëmbur Kosovës dhe te gjitha trojeve shqiptare.Së fundi,krisma e pushkës së Sali Çekaj dhe organizimi i njësive ushtarake në Koshare po bëheshin krahë i forte i luftës në Rrafshdukagjin ,në kohën kur Komandanti legjendar e i pathyeshëm ,Ramush Haradinaj,kishte më së shumti nevojë.Renia e Sali Çekaj, 15 vjet më parë,në betejën e madhe të Koshares,u bë simbol i thyerjes së kufirit që padrejtësisht me shekuj i kishte ndarë shqiptarët,për të cilin ideal me gjenerata e gjenerata u flijuan.Prandaj sot, përulemi me respekt të madh,para veprës së Sali Çekaj,i cili u bë një me Lirinë dhe Pavarësinë e Kosovës. I përjetshëm qofte kujtimi për të gjithë të rënët për lirinë e Kosovës!
Në këtë Akademi përkujtimore kanë folur edhe Zëvendës kryeministri i Kosovës z.Hajredin Kuçi, Ambasadori i Shqipërisë në Kosovë Qemal Minxhozi , Gjeneral Daut Haradinaj, Gjeneral Rrustem Berisha, Selim Lokaj e Shkodran Imeraj në emër të historianëve të Deçanit.
Ndërsa në emër të familjes të pranishmit i përshëndeti vëllai i heroit Sali Çeku – Z. Musa Çeku.
Poashtu në këtë Akademi më Çmimin Sali Çeku u nderuan: Rrustem Bruqi (Deshmorë), Isat Mushkolaj (Postmortum), Haki Balaj (Postmortum), Pashk Kuçi (Postmortum), Zeqir Ramosaj, Isa Demukaj, Njazi Hylaj, Xhevdet Lata! Paraprakisht para akademis perkujtimore jan ber homazhe dhe jan vendos kurora me lule tek shtatorja e Heroit Sali Çekaj ne Deçan.
