Nën kryesimin e kryesuesit të Asamblesë komunale z.Jashar Dobraj , është mbajte mbledhja e dytë e radhës e Asamblesë Komunale në Deçan .
Pas miratimit të procesverbalit nga mbledhja e kaluar pa ndonjë vërejtje dy pika të rendit të ditës pika e 2-të Shqyrtimi i Projekt-Rregullores për procedurat e dhënies së objekteve të komunës dhe tokës për shfrytëzim afatshkurtër përmes ankandeve, dhe pika 3-të Shqyrtimi i Projekt-Rregullores për dhënien e lejes mjedisore komunale, këto dy rregullore pasi që kanë mare miratimin e në parim kanë kaluar në dëgjim publik për një muaj më pastaj më plotësim ndryshime të sillen serish në Asamblenë Komunale për miratim.
Më disa vërejtje është miratuar edhe pika e rendit të ditës për preorientimin e të hyrave vetanake të bartura nga viti 2012 në vitin 2013.
Ndërsa pika e 5-të e rendit të ditës lidhur më Shqyrtimi i Planit të integruar 2013-2015, më rekomandimin e KPF-së ,ka kaluar për mbledhjen e ardhshme.
E në anën tjetër në pikën e rendit të ditës lidhur më kërkesën e fshatit Strellc i Epërm për ndërtim të Xhamisë, ngjalli debat .Grupi iniciues për ndërtimin e Xhamisë të cilët kanë gjetur edhe donacionet po kërkon nga Komuna që ti jap në pronësi disa ari tokë, por të kundërtën e kërkojnë grupi tjetër i banorëve të këtushëm, ata janë kundër ndërtimit të çfarëdo kulti apo ndërtimin në qendër të fshatit, këto dy kërkesa janë dërguar për shqyrtim edhe në asamblenë komunale, mirëpo as ligjvënësit komunal nuk kanë mundur tu japin një përgjigje konkrete pasi që nuk ekziston bazë ligjore për falje apo tjetërsim të pronës. Drejtori i administratës Bashkim Ramosaj, u ka thënë banorëve të Strellcit të Eperm se do ti drejtohet Ministrisë gjegjëse për konsultim, se në bazë të cilave rregullore komuna mund ti u japë pronën e kërkuar banorëve të këtushëm për ndërtimin e xhamisë, dhe në bazë të përgjigjesis që do të merret ashtu edhe do të veprohet.
Edhe pika e rendit të ditës lidhur më shqyrtimin e kërkesës së Kompanisë CEO,FAX Marble Holdings Plc, për dhënien e pronës komunale në shfrytëzim për vendosjen e fabrikës për përpunimin final të gurëve të dimensionuar (materialet shtesë i posedon nga mbledhja e muajit nëntor 2012) edhe kjo pikë është mbështetur në parim por pritët të aprovohet pasi që të hyn në fuqi të dy rregulloret të cilat kanë kaluar në dëgjim publikë.
Ndryshe në këtë mbledhje u bë edhe formimi i këshillit komunal për siguri në bashkësi ani pse ky këshill ka qen i formuar edhe më herët por tashmë është bërë edhe ndryshimi i disa anëtarëve dhe është plotësuar më antarë të ri.
