Është mbajte mbledhja e IV-të e Asamblesë Komunale në Deçan

Komuna e Deçanit është shumë afër që të fitoj një grand nga Bashkimi Evropian në vlerë mbi 150 mijë euro, kjo për faktin se sot në mbledhjen e katërt të Kuvendit të Komunës ka miratuar Propozim – Vendimin për emërtimin e rrugëve në të gjitha fshatrat e Komunës së Deçanit. Miratimi I emërtimit të mbi 480 rrugëve që janë propozuar nga komuniteti I fshatrave , të cilët në bashkëpunim me Koordinatorin Shkëlzen Shehu, dhe Komisionin punues e bënë komunën tonë në 3 komunat që në afatin me të shpejt dhe me preciz kanë bërë emërtimin e rrugëve dhe shesheve, si dhe e fut në garën e ngushtë për përfitim të donacionit nga Bashkimi Evropian.

Kjo pikë e rëndit të ditës nuk ka kaluar pa ngjallur edhe debat, mirëpo me propozime dhe vërejtje ka marrë besimin e ligjvënësve Deçanas. Votën e ligjvënësve komunalë e kanë marrë edhe pikat e tjera të rëndit të ditës, Projekt –Statusi I Qëndrese për Punë Sociale në Deçan, me disa rekomandime ka kaluar për t’iu nënshtruar proceduarve të tjera, siç është debate publikë. Pikë e rëndit të ditës e mbledhjes së 4 për këtë vit e që mori votat e asamblistëve ishte edhe Propozim-Vendimi për shpalljen e zonave me interes për Komunën, bëhet fjalë për Ngastrën nr.1017/2 ne sipërfaqe prej 0.01,57 ha , Ngastra nr. 1016/1 ne sipërfaqe prej 0.48,04 ha, dhe Ngastra nr.72 ne sipërfaqe prej 4.73,53 ha. Besimin e asamblistëve ka marrë edhe Rregullorja mbi Taksa dhe Tarifa Komunale. Në pikën të ndryshme ishte kërkuar që Drejtori për Buxhet dhe Financa Agron Demukaj, të raportoj rreth mëditjeve të cilat akoma nuk I kanë gëzuar anëtarët e Komisioneve punuese, por në mungesë të Drejtorit Demukaj, kjo pikë është shtyre për séance të tjera të radhës. Në të ndryshme është diskutuar edhe për angazhimin e Këshillit Organizativë I formuar në dhjetor të vitit të kaluar nga shoqëria civile dhe subjektet politike që veprojnë në komunën tonë, këshillë ky që u ka paraprirë organizimeve të ndryshme në kundërshtim të vendimit të dhomës së posaçme të gjykatës supreme të Kosovës, për legjitimimin e vendimit të ish pushtetit Serb për dhënie në pronësi Manastirit të Deçanit rreth 23 ha tokë. Adem Lushaj kryetar i këshillit, njoftoj asamblistët me aktivitet që ka ndërmarr ky këshill. Gjatë debatit u tha se përkundër organizimeve të shumta as vendoret e as ndërkombëtaret nuk e kanë marrë seriozisht këtë çështje. Në fund nga folësit u rekomandua që në bashkëpunim me ekspert të hartohet një shkresë që do ti drejtohej UNESCO-së , për ndërtimet që zyrtarët e Manastirit I kanë bërë, e që sipas ligjvënësve komunal kanë prishur manastirin si kult fetarë. Një tjetër rekomandim ishte që të ftohen përfaqësuesit e Manastirit të Deçanit në një debat me asamblistët Komunal.

Është mbajte mbledhja e IV-të e Asamblesë Komunale në Deçan

Si Mund të ?

Si Mund të ?