Është mbajte mbledhja e komitetit për politik dhe financa e kryesuar nga kryesuesi z.Jashar Dobraj , në pikat e rendit të ditës që ishin para për këtë mbledhje
1 .Shqyrtimi dhe miratimi i procesverbalit nga mbledhja e kaluar,
2. Shqyrtimi i Projekt-Statutit të Qendrës për Punë Sociale në Deçan,
3. Korniza Afatmesme Buxhetore
4. Shqyrtimi i Propozim-Vendimit për shpallje të zonave me interes për Komunën, te ngastrës nr. 538
5. Shqyrtimi i kërkesave për përkrahje financiare
Pika 2: Shqyrtimi i Projekt-Statutit të Qendrës për Punë Sociale në Deçan
Kryesuesi i takimit, Jashar Dobraj, ka njoftuar të pranishmit se ky dokument iu është nënshtruar edhe debatit publik, çka edhe janë dhënë propozime të cilat janë inkorporua në dokumentin final. Të pranishmit kanë rekomanduar qe dokumenti t’i dërgohet për shqyrtim dhe miratim kuvendit në seancën e ardhshme ku pritet që të votohet edhe nga asableistet.
Pika 3:Korniza Afatmesme Buxhetore 2014-16
Drejtori i Buxhetit dhe Financave, Agron Demukaj, ka njoftuar të pranishmit për qarkoren e MEF për planifikim afatmesëm të buxhetit, për periudhën 2014/16. Po ashtu ka njoftuar për përpjekjet e organizimit të një takimeve me publikun, por nuk ka pasur qytetare, dhe përgjegjësin ja ka hedhur KPF-së për dështimin e takimit. Drejtori ka njoftuare dhe për shkurtimet buxhetore në arsim nga granatet qeveritarë. Këtë vit është vlerësuar pozitive, ndarja e 300 mijë eurove për zhvillimin e bujqësisë. Në Bazë të kësaj draft kornize buxhetore janë paraparë edhe investime kapitale me mbi 1.6 milion euro.
Pika 4: Shqyrtimi i Vendimit për shpallje të zonave me interes për Komunën
KPF-ja është pajtuar se komuna ka interes ekonomik për pronën me sipërfaqe prej 1.75 hektarësh, ku ishin të ndërtuar shtëpiza e fabrikës së dikurshme ,,Emin Duraku’’. Kjo pike e rendit te ditës do te diskutohet ne mbledhjen e kuvendit me datën 28 qershor, 2013.
Mes tjerash është proceduar me kërkesën e drejtorisë për emergjencë, ku kërkohet krijim i një ekip rezervë për intervenime kundër zjarreve, duke ndarë një shumë prej 12 mijë euro për mbulimin e pagave . Po ashtu, është ndarë një buxhet prej 12 mijë euro, për shpërndarjen e rrjetit të digjitalizimit nëpër objektin komunal.
