Me datë 11.11.2022, është mbajtë mbledhja e rregullt e Komitetit për Komunitete. Të pranishëm ishin anëtarët e komitetit, përfaqësues të UNMIK-ut dhe qytetarë.
Në këtë mbledhje u diskutua për pikat:
1. Aprovimi i procesverbalit nga mbledhja e kaluar;
2. Raport nga ZLK-ja;
3. Të ndryshme.
Pas aprovimit të procesverbalit nga mbledhja e kaluar, mbledhja vazhdoj me pikat tjera.
Në raportin nga ZLK-ja, z.Shaban Pajçinoviq tregoj që këtë muaj nuk kemi pas raste të riatdhesimit. Këtë muaj kemi zhvilluar disa aktivitete. Kemi qenë bashkë me kryetarin, z. Bashkim Ramosaj dhe ministrin e Pushtetit Lokal, z. Elbert Krasniqi kemi vizitar shkollën e Gramaqelit ku jemi informuar për nxënësit e komunitetit që kanë braktisur shkollën për arsye ekonomike, kemi qenë në vizitë edhe në shkollën e Prapaqanit.
Kemi bërë kërkesë edhe për 50 pako ushqimore higjenike për familjet në nevojë.
Anëtarja e këtij komuniteti, znj. Albesa Cacaj,i parashtroj disa pyetje dhe kërkesa të cilat kontribuojnë në mirëqenien ekonomike të komuniteteve.
Mbledhja e radhës do të mbahet muajin e ardhshëm.
(Sqarim: Për arsye të mosfunksionimit të webfaqes, lajmi është publikuar me vonesë).
