Ligjvënësit Komunalë të Deçanit, pozitë dhe opozitë, në mbledhjen e pestë të rregullt për këtë vit, ve se ishin azhur, konstruktivë, ishin edhe unik në marrjen e vendimeve. Jo si herëve të kaluara me debate mes pozitës dhe opozitës është përcjell kjo seancë, ndryshe nga seancat e kaluara, në mes të këshilltarëve ishte një harmoni dhe disponim i mirë. Kjo ka bërë që seanca mos të zgjas shumë me kohë dhe të miratohen të gjitha pikat e rëndit të ditës. Pas Procesverbalit të mbledhjes së IV-të, të asamblesë, kryesuesi i Asamblesë Komunale, z. Jashar Dobraj, duke dhënë edhe arsyetimet, rreth procedurave të rregullta dhe debateve të hapura që i është nënshtruar Projekt –Statuti i Qendrës për Punë Sociale në Deçan , ju ka dhënë mundësin këshilltarëve që të debatojnë rreth këtij projekt statusi. Asamblistët nuk patën vërejtje të theksuara për këtë status, ata që morën fjalën ishin edhe anëtarë të Komitetit për Politik dhe Financa, të cilët edhe një herë ripërsëritën vërejtjet e tyre për disa plotësime. I pranishëm në këtë seancë ishte edhe drejtori i Qendrës për Punës Sociale në Deçan, z.Islam Mustafa , i cili po ashtu u shpreh i kënaqur me hartimin e këtij statusi. Pas hedhjes në votim të gjithë anëtaret e pranishëm në seancë i kanë dhënë votën pro Projekt –Statusit të Qendrës për Punë Sociale në Deçan. Me vota unanime pa debat të ashpër, ka kaluar edhe Korniza Afatmesme Buxhetore 2014-2016. Në prezantimin e tij Drejtori i Buxhetit dhe Financave në Komunën e Deçanit z.Agron Demukaj, ka deklaruar se në harmoni me Kryetarin e Komunës së Deçanit z.Rasim Selmanaj, dhe drejtor të gjitha dikastereve është punuar kjo kornizë e parë buxhetore për këtë periudhë, në bazë të kërkesave të Ministrisë së financave të Republikës së Kosovës. Një tjetër pikë e rëndit të ditës që ka marrë votat e asamblistëve ishte edhe Propozim-Vendimi për shpalljen e zonave me interes për Komunën. Votën e ligj vënësve komunal për tu shpallur zonë me interes për komunën e Deçanit e ka marrë ngastra kadastrale nr.538 me sipërfaqe prej 01.75,76 ha , e cila evidentohet si Pasuri shoqërore Industria e Bashkuar e tekstilit “Emin Duraku”, Zona kadastrale Deçan. Kjo pronë është në afërsi të pushimores së fëmijëve dhe afër tri ngastrave tjera për të cilat vetëm është marrë vendimi ditë më parë për shpallje të zonave me interes publik. Pika e vetme në të cilën opozita kanë abstenuar, kurse pozita ka qenë pro, ishte emërimi i anëtarit të Komitetit të Komuniteteve Slavisa Joksimovic, nga komuniteti pakicë serb. Opozita abstenoj për faktin se ky person i cili tash e tutje do të zëvendësoj anëtaren e deritanishme të këtij i komiteti Vesna Ilic Spalevic, ishte person i panjohur për asamblistët. Ndryshe Emrimi i Slavis Joksimovicit anëtar i Komitetit për Komunitete vije pas dorëheqjes së Vesna Spalevic Ilic, e cila ka marrë këtë vendim pasi që është konsideruar se të qenit e saj në këtë komitet është konflikt interesi, për arsye se Vesna është shërbyese civile në Kuvendin Komunal të Deçanit. Komitetit për Komunitete pritet ti shtohet edhe një anëtar tjetër nga radhët e boshnjakëve , pas dorëheqjes së Hedija Kuçit nga ky komitet.
