| Pas kërkesave të një pas njëshme nga qytetarët e komunës së Deçanit, të cilat i janë drejtuar kryetarit të komunës z.Rasim Selmanaj, dhe organeve tjera komunale për masivizimin e lojërave të fatit dhe basteve sportive , një aksion i cili është ndërmarrë me dt. 05 Maj 2014, ka rezultuar të jetë i suksesshëm,ku brenda një dite, janë mbyllur 11 pika të lojërave të fatit nga ATK, dhe Inspeksioni komunal nga gjithsejt 13, sa kanë vepruar në tërë komunën e Deçanit. Të gjitha këto baste dhe lojëra fati, të cilat janë mbyllur, kanë qenë deri më tani, duke vepruar në mënyrë të jashtëligjshme . Kryetari i komunës z.Rasim Selmanaj , sot ka thirrur në një takim të jashtëzakonshëm KKSB-në , ku në mënyrë unanime është përkrahur ky vendim, për mbylljen e lojërave të fatit, duke e quajtur si njërin nder vendimet më të rëndësishme deri më tani. Më këtë ratë, kryetari Selmanaj, tha se :ne kemi pas probleme sa i perkat zbatimit të ligjit për lojërat e fatit, sepse këto leje meren në institucionet qendrore, mirëpo pavarësisht kësaj, në i kemi thirr institucionet dhe ka rezultuar me sukses mbyllja e këtyre lokaleve.Në vazhdim kryetari Selmanaj thotë se: edhe sikur të ishin të pajisura me leje nga institucionet qendrore, është qëndrimi i imi si kryetar komune, që të mbyllen të gjitha. Andaj edhe sot ,qëndrimi i KKSB-së, që një formë llogaritet edhe si përkrahje e institucionit është që të mbyllen të gjitha lojërat e fatit në komunën e Deçanit. Ne do të qëndrojmë deri në fund prapa vendimit tonë dhe nuk ka leje dhe pëlqim nga Komuna ,për një veprimtari të tillë, sepse, jemi të bindur se është një dukuri negative sidomos për rininë,e nëse do të duhej, do të thërrasim edhe mbledhje të jashtëzakonshme të Asamblesë Komunale, tha në fund kryetari Selmanaj. |
