Vdekja e mori në kohën kur ende i duhej familjes dhe shoqërisë duke u shkaktuar dhembje të përhershme fëmijëve, bashkëshortes, miqve dhe të gjithë neve që për kohë të gjatë punuam së bashku me të.
Kështu u tha në mbledhjen komemorative të organizuar nga Kuvendi Komunale i Deçanit ku të pranishëm ishin i pari i komunës z.Rasim Selmanaj , koleg miq bashkëpunëtorë , dhe familjarë te të ndjerit.
Në emër të komunës së Deçanit në fjalën e tije të rastit drejtori i Administratës së përgjithshme z.Bashkim Ramosaj tha se : Qaush Baqaj, po ndahet nga ne, në moshën kur kishim akoma shumë nevojë për të, në moshën 56 vjeçare.
Në kujtesë e secilit nga ne, personaliteti I tij, do të ngelet përgjithmonë në atributet e njeriut punëtor, të zellshëm e modest, do të ngelet në kujtesën e çdo kolegu si njëri shumë I qet, shumë I respektuar, I gatshëm në çdo kohë që të kryej detyrën e tij zyrtare me përgjegjësi të lartë dhe me një përkushtim të jashtëzakonshëm. Të gjitha këto atribute e bëjnë kolegun tonë Qaush Baqaj, të ishte gjithmonë njeriu që gëzoj respektin e përhershëm nga të gjithë. Urtësia dhe mirësjellja me të gjithë qytetaret, në cilësinë e zyrtarit , përkatësisht ofiqarit në zyrën e gjendjes civile për regjionin e Vokshit, e bënë gjithashtu njeriun që gëzon po ashtu respektin e të gjithë qytetarëve. Edhe pse aj sot fizikisht po ndahet nga ne , kujtimi për njeriun dhe kolegun me tiparet me të veçanta njerëzore do të jetoj përgjithmonë. Më një fjalë rasti për jetën dhe veprën e Qaush Baqaj foli edhe Curr Mazrekaj , Zeqir Ramosja dhe familjarë të tjerë.
I ndjeri Baqaj është varrosur në varrezat e vendlindjes së tije në fshatin Dranoc.
