Aksionit “Ta Pastrojmë Kosovën”, I cili u zhvillua në tërë vendin I është përgjigjur edhe Komuna e Deçanit. Kryetari I Komunës z. Rasim Selmanaj I cili veç së e ka mbështetur financiarisht I është përgjigjur këtij aksioni së bashku me bashkëpunëtor. Me këtë rast Kryetari Selmanaj tha se jo vetëm një ditë në vit, por çdo ditë ai është I përkushtuar që Komuna e Deçanit të jetë e pastër “ Ne kemi një kompani e cila bënë pastrimin si dhe grumbullimin e mbeturinave, si në qytet po ashtu edhe në fshatra të Komunës sonë. . Jemi të angazhuar në rritjen e kapaciteteve të kësaj kompanie, në mënyrë që çdo pjesë e territorit të komunës sonë të jetë e pastër. Secili qytetarë duhet të ngritë ndërgjegjen e tij për një ambient të pastër. Në këtë mënyrë do të kontribuonim që qytetit dhe komunës sonë të cilës natyra I ka dhënë një pamje kaq të veçantë e për të cilën ja kanë zili shumë komuna , ta ruajmë të pastër për vete dhe për gjeneratat e reja” tha më këtë rast kryetari Rasim Selmanaj. Ndërkaq Myrtez Shala nga aksioni “Ta Pastrojmë Kosovën” u shpreh I kënaqur me pjesëmarrjen e qytetarëve në këtë aksion ‘ Thirrjes sonë që sot ta pastrojmë Deçanin, fatmirësisht I janë përgjigjur një numër I kënaqshëm I qytetarëve. Unë me këtë rast falënderoj zyrtarët komunal me në krye me Kryetarin Rasim Selmanaj, Forcën e Sigurisë së Kosovës, nxënësit e shkollave fillore dhe të mesme të komunës sonë si dhe qytetarët. Unë apeloj tek secili qytetarë që çdo ditë të kontribuojë për një ambient të pastër” tha Shala. Ndryshe aksioni “Ta pastrojmë Kosovën” është bërë tashme I përvitshme, dhe mbahet në tërë vendin me 24 maj.
