Familja Haradinaj, në Gllogjan, është njëra ndër të parat në komunë e cila kishte hapur derën e saj regjistruesve. Kryefamiljari e saj, Hilmi Haradinaj, duke I mirëpritur, është deklaruar se “pas pavarësisë së vendit, kjo është ngjarja e dytë rëndësishme shumë e rëndësishme për Kosovën, ngase pas tri deceniesh do të dihet për numrin e sakët të popullsisë dhe nivelin e zhvillimit”.Ai ka përgëzuar qytetarët siç tha, për të arritura e deritashme në ndërtimin e shtetit të ri të Kosovës, duke besuar se e ardhmja e këtij vendit është në rrugëtim të mirë.
Regjistrimi i popullsisë dhe ekonomive familjare, ka nisur të premten në 86 qarqe regjistruese, ndërkohë në duart e çdo familje do të trokasin 95 regjistrues, ku 9 prej tyre janë në rezervë. Ata do të ndihmohen nga 17 kontrollues dhe do të mbështetën nga Komisioni Komunal për Regjistrim. “Komuna ka bërë të gjitha përgatitjet teknike, ndërkohë nuk do të mungojë edhe mbështetja e vazhdueshme gjatë gjithë kohës së regjistrimit”, ka thënë kreu i Komunës, Rasim Selmanaj, i cili është edhe ketyre i komisionit përkatës.
Në Komisionin Komunal për Regjistrim, thonë se në terren që në ditën e parë janë mirëpritur regjistruesit, ndërkohë banorët e fshatit malor Belle, ndonëse shumica prej tyre jetojnë nëpër vendbanime të tjera, kanë kërkuar që regjistruesit të shkojnë edhe në këtë fashat, ku atje do ti presin kryefamiljarët. Kjo kërkesë është përkrahur edhe nga komisioni përkatës, sikundër siç janë deklaruar se pavarësisht ternit nuk do të mbetet askush pa u “mbuluar” me regjistruesit.
