Edhe në komunën e Deçanit , bizneset e vogla dhe të mëdha do të kenë mundësin e regjistrimit në këtë qytet e jo si deri me tani në Prishtinë. Kjo falë hpjes së Zyres së Regjistrimit të Bizneseve e cila është bërë sot
Tash e tutje, pronarët e bizneseve në Deçan, nuk kanë nevojë që të udhëtojnë për Prishtinë për të regjistruar bizneset e tyre, sepse këtë punë mund ta bëjnë në Komunën e tyre, përkatësish në Zyrën e këtushme, e cila është hapur në hapësirat e pallatit të kulturës “Jusuf Gërvalla” të qytetit. Është ky një projekt i financuar nga Ministria e Industrisë dhe Tregtisë dhe i përkrahur nga Banka Botërore, ndërkohë përurimin e saj e kanë bërë z. Rasim Selmanaj, kryetar i Komunës dhe Mehdi Pllashniku, drejtor i Agjencisë për Regjistrimin e Bizneseve.
Pavarësisht se veprimtaria e bizneseve të vogla dhe të mesme viteve të fundit ka shënuar rëne e madje edhe në mbylljen e tyre, në komunë aktualisht janë të regjistruar 1500 biznese të tilla. Për Abaz Kuçin, zyrtar komunal për regjistrim, hapja e kësaj zyre do të shton numrin e bizneseve, ndërkohë sipas tij, pronarëve të tyre iu dihen vetëm dy orë për të regjistruar bizneset e tyre. Ai ka treguar se Deçani është komuna e 22-të me radhë e cila ka gjetur përkrahjen e MTI-së dhe të Bankës Botërore për një projekt të tillë.
