U bë inaugurimi i Zyrës së Punësimit në Deçan, Kryetari i Komunës së Deçanit z.Rasim Selmanaj dhe zv/ Ministri i Punës dhe Mirëqenies Sociale z. Fatmir Shurdhaj e prenë shiritin e këtij objekti, që u ndërtua falë bashkëfinancimit të MPMS dhe Komunës së Deçanit. Me këtë rast kryetari i Komunës z.Rasim Selmanaj, tha se me këtë objekt veç se ju sigurohen kushte me të mira të punësuarve aktual, shpresojmë se me projekte të përbashkëta me Ministrin do të rritet edhe numri i të Punësuarve “ Edhe Deçani sikurse i gjithë vendi përballët me numrin e të pa punëve, Uroj që projektet e ardhshme të përbashkëta me Ministrin e Punës dhe Mirëqenies Sociale, të zbusin papunësinë, të gjenerohen vende të reja të punës. Sa i përket inaugurimit të këtij Objekti unë si kryetar jam i kënaqur sepse punëtorëve të këtushëm tashme u janë krijuar kushte të duhura për punë. I jam shumë falënderues Ministrisë së Punës dhe Mirëqenies që na ka mbështetur në këtë projekt” tha Selmanaj. Në anën tjetër zv/ Ministri Fatmir Shurdhja, tha se ministria e tij është e përkushtuar që të rris numrin e të punësuarve , duke qenë bashkë implementues i projekteve qofte me Komunat qoftë me organizatat e tjera “ Fillimisht sot jemi këtu që të përurojmë këtë Objekt, që shihet që është ndërtuar me të gjitha standardet, unë në emër t ë ministrisë i uroj punëtoret dhe e falënderoj Krytarin Selmanaj për këtë hapësirë që i ka dhuruar këtij Objekti. Sa i përket regjenerimit të vendeve të reja, ne po mundohemi që përmes projekteve të sigurojmë vende pune. Tash e sa vite ne përmes qendrave për Punë sociale sigurojmë punësim sezonalë për shumë të pa punë, këtë trend po mundohemi ta ngrisim” tha Shurdhaj. Ndryshe Objekti i Zyrës së Punësimit në Deçan MPMS i ka kushtuar 93 mijë euro, Komuna e Deçanit për ndërtimin e këtij objekti ka dhënë pronën dhe do të bëjë asfaltimin e rrugës që shpie deri të objekti.
