Kryetari i Komunës së Deçanit me bashkëpunëtoret e tij, kanë inspektuar punimet që po bëhen në ndërtimin e kanalit të Ujitjes nga bashkëpunimi i Komunës me Kompaninë rajonale të ujësjellësit dhe kanalizimit “Hidrodrini”.
”. Ky kanal që ka filluar të ndërtohet nga Deçani në Drejtim të fshatrave të Carrabregut dhe Prejlepit, për fazën e parë komunës dhe kompanisë ,, Hidro Drini’’, do ti kushtoj 108 mijë euro. Gjatësia e kanalit sipas drejtorit Komunalë të Urbanizmit është 2 300 metra. Nga ky kanal, shumë fshatra dhe shumë hektarë të tokës bujqësore do të ujiten. “Qeverisja komunale, është e përkushtuar që gjith atyre që janë përkushtuar për të punua tokat tu mundësoj, që në parcelat e tyre të kenë uji për ujitje. Edhe ky projekt i cili është në fazat e implementimit shkon në favor të bujqve të Komunës sonë. Projekte të tilla do të ketë edhe në vazhdimësi, qoftë me investime vetanake qoftë me bashkëfinancime ose donacione. “ tha kryetari i Komunës së Deçanit Rasim Selmanaj. Në anën tjetër Drejtori Komunal i Urbanizmit Ramë Melaj, pas inspektimit që bëri me kryetarin Selmanaj dhe stafin e tij, u shpreh i kënaqur me mbarëvajtjen e punimeve “ Siç shihet kompania e ka marrë më shumë seriozitet punën, dhe është duke ecur në avazin e duhur. Ne pamë sot një punë të mrekullueshme. Jemi të bindur se punimet do të përfundohen në bazë të marrëveshjes në kontratë. Komisioni mbikëqyrës është pothuajse çdo ditë afër punimeve për ti vëzhguar, dhe deri me sot nuk kemi pas asnjë ankesë. Përgëzojmë kompaninë dh e motivojmë atë për të vazhduar me këtë ritëm” tha drejtori Melaj.
