Të gjitha tatimet dhe taksat e qytetarëve po u kthehen në mënyrë retroaktive në investime për sigurimin e një jete më të mirë për banorët e komunës së Deçanit, tha kryetari i komunës së Deçanit Rasim Selmanaj ,
, i shoqëruar me stafin e tij politik në fshatin Prejlep, të kësaj komune me rastin e inaugurimit të punimeve për asfaltimin e rrugës anësore të këtij fshati dhe terreneve sportive në shkollën e mesëm te ulet ,,Sylejman Vokshi ’’.Ky investim vije në sajë të përpjekjeve për sigurimin e një infrastrukture më të mirë tha nder të tjera Selmanaj, duke u zotuar se nëse kushtet atmosferike do të lejojnë deri në përfundim të këtij viti do të përurojmë edhe 6 projekte të nisura më herët. Mbikëqyrësi i këtyre punimeve Shkelzen Goqi, tregon se kjo rrugë është duke u ndërtuar më standarde evropiane dhe punimet janë duke ecur sipas dinamikës së paraparë dhe nëse koha do të jetë në favorin tonë, kjo rrugë do ti ketë dy shtresa asfalti dhe trotuaret për këmbësor .Edhe banorët e këtij fshati po ashtu edhe nxënësit falënderojnë komunën e Deçanit për këto investime të cilat kanë qenë mese të domosdoshme . Kostoja e këtij investimi nga Kuvendi komunal kapë vlerën prej 272 mijë eurosh të ndara nga Kuvendi komunal i Deçanit.
