Bazuar në nenin 52 të Ligjit për Vetëqeverisje Lokale Nr.03/L-040 dhe nenin 51 të Statutit të Komunës së Deçanit sot KPF-ja mbajti mbledhjen e VII-të të rregullt ku për ketë takim ishte parapa ky rend pune:
Rend pune
1. Shqyrtimi dhe miratimi i procesverbalit nga mbledhja e kaluar,
2. Shqyrtimi i Planit Lokal për Menaxhimin e Integruar të Mbeturinave për periudhën 2021-2025 (materialin e kini nga mbledhja e tetorit),
3. Shqyrtimi i Planit për Deponinë e Mbeturinave Inerte për Komunën e Deçanit (materialin e kini nga mbledhja e tetorit),
4. Shqyrtimi i Planit për Qendrën e Grumbullimit dhe Magazinimit të Mbeturinave të Vëllimshme(materialin e kini nga mbledhja e tetorit),
5. Shqyrtimi i Model Kodi i Etikës të Komunës së Deçanit ( materialin e posedoni nga mbledhja e kaluar),
6. Shqyrtimi ne parim i Planit te Integritetit,
7. Shqyrtimi i Raportit të Përformancës për vitin 2019,
8. Shqyrtimi i Raportit të shpenzimeve TM3/2020 Korrik-Shtator,
9. Shqyrtimi i kërkesave,
10. Të ndryshme.
Takimin e hapi kryesuesi i Asamblesë Komunale Dr.Haki Shehaj ku të pranishëm ishin anëtarët e KPF-së poashtu edhe Drejtorët të cilët kishin pikat për diskutim. Pas miratimit të procesverbalit nga mbledhja e kaluar të gjitha pikat e propozuara janë diskutuar ku dhe kanë mare miratimin nga anëtarët e KPF-së për diskutim në mbledhjen e rregullt të asmablesë.
Ndryshe në ketë takim Drejtori i Shërbimeve Publike Mbrojtje dhe shpëtim z.Izet Zenuni kërkoi që në seancën e rregullt të diskutohet në të ndryshme propozimi nga kjo drejtori që të lirohen nga taksa komunale taksistet ( transportuesit publike) që operojnë në Komunën e Deçanit për vitin 2020.
Mbledhja XII-të të rregullt të Kuvendit të Komunës do të mbahet më dt.28.12.2020, e hëne në ora 10:00, në sallën e Kuvendit të Komunës.
