Bazuar në nenin 52 të Ligjit për Vetëqeverisje Lokale Nr.03/L-040 dhe nenin 50 të Statutit të Komunës së Deçanit, sot Komiteti për politikë dhe Financa , ka mbajte mbledhjen e II-të të rregullt të udhëhequr nga kryesuesi z.Jashar Dobraj.
Për këtë takim ishte parapa ky rend pune :
1.Shqyrtimi dhe miratimi i procesverbalit nga mbledhja e kaluar
2.Shqyrtimi i propozimit të Drejtorisë për Buxhet dhe Financa për rritjen e të hyrave vetanake në shumën prej 30,643.76 €, në buxhetin e vitit fiskal 2016,
3. Shqyrtimi i propozimit të Drejtorisë për Buxhet dhe Financa për orientimin e të hyrave të bartura të vitit 2016 në vitin 2017,
4. Shfuqizimi i Vendimit të Kuvendit i dt.31.03.2016 nr.01-8506, dhe marrja e vendimit për caktimin e lokacionit për ndërtimin e objektit të Qendrës Informative për Turizëm në ngastrën nr.00564-0, sipërfaqja e kërkuar 3 ari.
5. Shqyrtimi i propozimit për ndryshimin dhe plotësimin e Rregullores për Lartësinë e Taksave, Ngarkesave,Tarifave dhe Gjobave Komunale,
6. Shqyrtimi i kërkesës së Drejtorisë për Urbanizëm dhe Planifikim Hapësinore për dhënie në shfrytëzim afatgjatë të pronës komunale për vendosjen e trafos në Lagjen Ramosaj-Carrabreg i Ulët,
7. Shqyrtimi i kërkesave,
8. Të ndryshme.
Pas miratimit të procesverbalit nga mbledhja e kaluar janë diskutuar pikat e rendit të ditës siç ishin planifikuar për këtë takim.
Në pikën e rendit të ditës lidhur më Shqyrtimin e propozimit të Drejtorisë për Buxhet dhe Financa për rritjen e të hyrave vetanake në shumën prej 30,643.76 €, ku brenda vitit 2016 ishin planifikuar të inkasohen 642,835.00€ dhe janë inkasuar 673,478.76€ që i bie 30,643.76€ janë inkasuar mbi planifikimin e vitit që lamë pas Drejtoria për Buxhet dhe Financa ka parapa që shuma e inkasimit mbi planifikim të ndahet në 15,000.00€ subvencione dhe 15,643.76€ për shpenzime komunali kështu bëri të dituar Drejtofsha për Bungjet dhe Financa znj.Syzana Mustafaj.
Për ketë pikë është diskutuar nga anëtarët e KPF-së dhe rekomandohet që të diskutohet edhe në Asamblenë Komunale .
Edhe pikat 3 dhe 4 janë diskutuar nga anëtarët e KPF-së ku janë rekomanduar që të trajtohen në Kuvend dhe të ipenë sqarimet e duhura nga zyrtarët përkatës .
Është diskutuar edhe për pikën e 5-të te rendit të ditës lidhur më Shqyrtimin e propozimit për ndryshimin dhe plotësimin e Rregullores për Lartësinë e Taksave, Ngarkesave, Tarifave dhe Gjobave Komunale, ku pas dhënies së sqarimeve nga drejtori i Administratës z.Bashkim Ramosaj edhe kjo pikë e rendit të ditës më disa ndryshime do të trajtohet në Kuvend.
Pika e 6-të e radhës lidhur më Shqyrtimin e kërkesës së Drejtorisë për Urbanizëm dhe Planifikim Hapësinore për dhënie në shfrytëzim afatgjatë të pronës komunale për vendosjen e trafo në Lagjen Ramosaj-Carrabreg i Ulët, pas dhënies së sqarimeve nga Drejtori i Urbanizmit dhe Planifikimit Hapësinore z.Ramë Melaj edhe kjo pikë e rendit të ditës do të trajtohet në mbledhjen e Asamblesë Komunale e cila do të mbahet më 24.02.2017 më fillim në ora 10:00
