Ndryshimi i temperaturave dhe fillimi i reshjeve të borës,ka imponuar përgatitjet me kohë të Drejtorisë të Shërbimeve Publike,
e cila përmes tenderit të shpallur nga zyrës së prokurimit ka përcaktuar kompanitë më të favorshme për mirëmbajtje të rrugëve rurale dhe urbane gjatë sezonit dimëror. Në saje të kritereve të tenderit firma e përcaktuar janë “Higjena ” kompani kjo komunale, e cila tash e disa vite mirëmban të gjitha rrugët lokale .Sipas Sadik Ismajlaj,drejtor i kësaj kompanie posedojnë makineri të mjaftueshme për mirëmbajtjen e rrugëve lokale, por janë në bisedime që kjo kompani të nënshkruaj marrëveshje më komunën që këtë vit të mirëmbajë edhe rrugët urbane pa ndihmën e ndonjë kompanie tjetër, sikurse në vitet paraprake. Në anën tjetër drejtori i drejtorisë për mbrojtje dhe shpëtim Admir Hasanaj, tregon se komuna është në gjendje gatishmërie për çfarëdo vështirësish që mund të paraqiten në komunën e Deçanit.
