Drejtoria për Ekonomi dhe Zhvillim – Zyra e Turizmit Visit Deçani mori pjesë në edicionin e 21-të të Panairit të Turizmit dhe Sportit në Kosovë – një ngjarje e rëndësishme për promovimin dhe zhvillimin e sektorëve kyç të turizmit dhe sportit në vendin tonë.
Gjatë panairit, patëm mundësinë të prezantojmë bukuritë natyrore, trashëgiminë kulturore dhe atraksionet unike të Komunës së Deçanit – një destinacion që çdo ditë po e forcon profilin e tij në hartën e turizmit vendor dhe ndërkombëtar.
Panairi solli energji të re, ide bashkëpunimi dhe kontakte të rëndësishme me pjesëmarrës nga e gjithë Kosova dhe më gjerë. Ky rrjetëzim është jetik për zhvillimin e qëndrueshëm të turizmit dhe për rritjen ekonomike lokale.
Falënderojmë Ministrinë e Industrisë, Ndërmarrësisë dhe Tregtisë, si dhe KIESA-n, për përkrahjen e vazhdueshme ndaj sektorëve strategjikë për të ardhmen e qëndrueshme të vendit.
