Të dashur qytetarë,
Nesër, më 1 shtator 2026, në ora 11:00, në Sheshin “Skënderbeu” në Prishtinë, komunat e Republikës së Kosovës, së bashku me mijëra punonjës të administratës publike, do të protestojnë për të shprehur shqetësimin lidhur me qasjen dhe vendimet që po vështirësojnë funksionimin e komunave dhe po ndikojnë drejtpërdrejt në buxhetet komunale.
Kjo protestë është një zë i përbashkët i komunave dhe qytetarëve, për të kërkuar trajtim të barabartë, respektimin e kompetencave dhe mundësinë që komunat të vazhdojnë të ofrojnë shërbime cilësore për qytetarët.
Nuk mund të qëndrojmë në heshtje kur pengohet puna e komunave dhe rrezikohet ofrimi i shërbimeve që u takojnë qytetarëve.
Sheshi “Skënderbeu”, Prishtinë
1 Shtator 2026
11:00
BASHKË E NGRISIM ZËRIN!
Për komunat, për qytetarët dhe për një trajtim të barabartë të të gjithëve.
