Kryetari i Komunës së Plavës z.Orhan Shahmanovic, vizitoi sot Deçanin. Në takim me Kryetarin z.Rasim Selmanaj, bashkëbiseduan për shumë tema, me theks të veçantë për ndërtimin e rrugës Deçan – Plavë dhe për binjakëzimin e këtyre dy komunave. Kryetari I Komunës së Deçanit z.Rasim Selmanaj, e njoftoj kolegun e tij për zhvillimet pozitive, që kanë ndodhur gjatë viteve të fundit, në komunën tonë.” Gjatë viteve e të fundit në qytetin tonë kanë ndodhur shumë ngjarje të rëndësishme, është punuar mjaftë në rregullimin e infrastrukturës, është punuar në shumë shkolla, dita ditës po hapen edhe vende të reja të punës,po ngritët mirëqenia sociale e qytetarëve tanë. Por çelësi I zhvillimit ekonomik të komunës sonë, mendoj së është ndërtimi I rrugës Deçan – Plavë, kjo rrugë do të benë që investitorët e mundshëm , të investonin në zhvillimin e turizmit, sektor ky përmes secilit qytetari I Deçanit do të kishte një mirëqenie me të mirë sociale, dhe do të gjeneroheshin shumë vende të reja të punës” tha Kryetari I Komunës së Deçanit Selmanaj. Homologu I tij nga Plava z.Orhan Shahmanovic, tha se edhe në takim me Kryeministrin e Kosovës z.Hashim Thaçi ka biseduar për çështjen e ndërtimit të rrugës Deçan Plavë’ ‘ Në takimin që pata me kryeministrin e Kosovës z.Hashim Thaçi, kërkova nga ai që të hapet pika kufitare. Mendoj se hapja e pikës kufitare në këtë pjesë do të ishte një cytje për fillimin e ndërtimit të rrugës.
Unë si kryetar I Komunës së Plavës së bashku me ju si kryetar I Komunës së Deçanit, do vazhdojmë të jemi këmbëngulës në dy qeveritë tona që të na mundësojnë ndërtimin e kësaj rruge. Me këtë rrugë do të fitonin qytetaret e Komunës sime dhe të Komunës suaj, por do fitonin shumë dy shtete tona” tha kryetari I Plavës z.Orhan Shahmanovic. Kryetari , Orhan Shahmanovic, I cili ka ardhur në mandate vitin e kaluar, është interesuar edhe për procesin e nisur vite më parë për binjakëzimin e Plavës me Deçanin “ Unë nga paraardhësi im, jam informuar, dhe jam I gatshëm ta vazhdoj këtë proces, që brenda pak ditësh ose muajsh Deçani e Plava të jenë qytete të binjakëzuar .
Në mënyrë ligjore do të përfundojmë të gjitha procedurat, dhe do ta bëjmë ceremoninë zyrtarë të binjakëzimit “ tha Shahmanovic.
Edhe Kryetari I Komunës së Deçanit z.Rasim Selmanaj, u shpreh i gatshëm që Deçani, të Binjakzohet me Plavën “ Ne edhe me herët kemi qenë të gatshëm, dhe i kemi nisur procedurat. Kemi pas edhe vizita të ndërsjella me ish kryetarin, uroj që binjakëzimi të ndodhë në kohën sa me të shpejt.” Tha Selmanaj.
Në këtë takim u bë e ditur se pas gjitha procedurave, do të bëhet e ditur edhe data e binjakëzimit. Por për një gjë dy kryetarët u akorduan që binjakëzimi të ndodhë në Plavë.