Kryetari i Komunës së Deçanit z.Rasim Selmanaj, ka pritur sot në një takim Komandantin Regjional të LMT-së (KFOR) Kolonel Antonio Pellone, me të cilin kanë bashkëbiseduar për shumë tema. I njoftuar tashme për zgjedhjet lokale të 3 nëntorit Kolonel Antonio Pellone, ka shfaqur interesimin e tij për përgatitjet që po bëhen në komunën e Deçanit për këto zgjedhje. Kolonel Antonio Pellone, është interesuar edhe për masat preventive që Komuna e Deçanit, i ka bërë në rast të zjarreve të mundshme
“ Unë tash kam ardhur në mision këtu në Kosovë, në Regjionin e perëndimit, nga informacionet që kam marrë, jam njoftuar se vitin e kaluar edhe në këtë pjesë ka pasur zjarre në bjeshkët e komunës tuaj. Unë shpresoj se këtë vit të mos ketë zjarre të përmasave sikurse vitin e kaluar. Por tashme jemi në stinën e verës dhe do të doja të di se sa dhe si Komuna e Deçanit, është përgatitur në rast se do të ketë zjarre ‘” tha Kolonel Antonio Pellone. Kryetari i Komunës së Deçanit z.Rasim Selmanaj, e informoj Kolonelin se veç brigadës së zjarrfikësve, ditë më parë është formuar edhe një shoqatë e vullneteve të zjarrfikësve dhe kërkim shpëtimit “ Ne e kemi brigadën e zjarrfikësve në Deçan, e cila është mjaftë e përgatitur dhe e aftë për shuarje të zjarreve, djemtë e kësaj brigade e kanë treguar profesionalizmin e tyre edhe vitin e kaluar ku shumë pjesë të bjeshkëve tona ishin përfshirë nga zjarret. Fatmirësisht këtë vit , deri me tani nuk kemi pas probleme me zjarrin, urojmë që kështu të kalojmë gjatë gjithë stinës. Mirëpo si masë preventive që është marrë, është edhe themelimi i Brigadës vullnetare të zjarrfikësve dhe kërkim shpëtimit “Heronjtë” në Deçan. Komuna e Deçanit e ka përkrahur themelimin e kësaj shoqate dhe e ka mbështetur edhe financiarisht. Kjo shoqatë e themeluar tashmë ka gjithësejtë 16 anëtarë dhe që të gjithë kanë të përfunduar trajnime adekuate për shuarje të zjarreve dhe kërkim shpëtim” tha kryetari Selmanaj.Temë tjetër e cila është biseduar në mes të Kryetarit të Komunës së Deçanit z.Rasim Selmanaj, dhe Komandantit Regjional të LMT-së Kolonel Antonio Pellone, ka qenë edhe gjendja e sigurisë në komunën tonë, e cila nga të dyja palët është vlerësuar si e qetë dhe e sigurt, me disa probleme të vogla. As ky takim nuk ka kaluar pa u tanguar çështja e 23 hektarëve për rreth manastirit të Deçanit, edhe në këtë rast kryetari Selmanaj, ka shprehur mendimin e tij që është edhe mendimi i gjithë qytetarëve të Komunës së Deçanit, se falja e këtyre pronave nga ana e ish pushtetit Jugosllavë është i paligjshëm, dhe si të tillë edhe Komuna por edhe gjithë qytetarët e komunës e kundërshtojnë.
