Në kuadër të shënimit të 6 vjetorit të pavarësisë së Kosovës në sallën e Asamblesë komunale ne Deçan, është mbajte akademi përkujtimore ku janë kujtuar figurat Kombëtare të rënë në luftën për mbrojtjen e Plavës dhe Gucisë me 1941 :Lan Selimi, Mehmet Uka ,Beqë Meta , Canë Tishuku, Beqë Kukalaj,Nimon Dabiqaj e Brahim Haderxhonaj si dhe të gjithë dëshmorët e rënë nëpër breza për Liri e Bashkim Kombëtar.
Të pranishëm në këtë akademi ishin i pari i komunës z.Rasim Selmanaj , Dr.Islam LAUKA, Ambasador i Shqipërisë në Kosovë Ramë KORTOÇI, Kryetar i Komunës së Tropojës dhe Prof.dr.Selim DACI, LHK-në Deçan, përfaqësues të familjeve të dëshmorëve veteranëve dhe invalidëve të luftës se UÇK-së dhe qytetar të shumtë.
Në fjalën e tije I pari I komunës z.Rasim Selmanaj nder të tjera tha se:
Jemi bashkuar sot në përvjetorin e 6-të të pavarësisë së Kosovës që shënon datën jetike e historike për Kosovën ,dhe për të nderuar figurat Kombëtare :Lan Selimi, Mehemt Uka ,Beqë Meta , Canë Tishuku, Beqë Kukalaj,Nimon Dabiqaj e Brahim Haderxhonaj si dhe të gjithë dëshmorët e rënë nëpër breza për Liri e Bashkim Kombëtar.
17 Shkurti i vitit 2008 është data që bartë në vete realizimin e aspiratave , përpjekjeve e synimeve shekullore të shumë e shumë brezave , që emërues të përbashkët të gjithë kishin pikërisht këtë ditë.
102 vjetori i Nëntorit të madh të Vlorës dhe 6 vjetori i shtetësisë së Kosovës janë dy data me pothuajse një shekull në mes .
Ky shekull me të gjitha përpjekjet e mundimshme e të jashtëzakonshme ka rezultuar edhe me shtetasin e Kosovës.
Dhe ,në këtë shekull në mes të dy ngjarjeve Historike ,Dukagjini në përgjithësi e Deçani në Veçanti kanë hisen e vet të madhe të nderit e Lavdisë .
Janë më qindra e mijëra dëshmorë, që shkruan emrin e këtij shekulli me gjak e sakrificë sublime.
Këta burra ishin udhërrëfyes për shumë gjenerata.
Të nderuar të pranishëm !
Duke qen të gjithë ne si gjeneratë ,dëshmitarë dhe protagonist të zhvillimeve politike e kombëtare të tri dekadave që lamë pas ,po kjo trevë e ky vend e mbanë vulën e Viteve të 80-ta,mbajnë vulën e Jusuf Gërvallës e Smajl Haradinajt,e me pas edhe lëvizja e viteve 90-ta,idetë e tyre kishin bërë bashkë forcën më vitale të kombit, rininë studentore, e cila pa hamendje me lëvizjen e saj tronditi themelet e shtetit të atëhershëm.
Ndërsa, vetëm pak vite më pas, po këtu në Deçan,historia nisi të ndërrojë. Ishin ushtarët e UÇK-së, të prirë nga komandanti i gjallë, sot protagonist i legjendave Ramush Haradinaj, ata që luftës i dhanë gjak, ndërsa jetës së nëpërkëmbur kuptimin e humbur.
Deçani ka një vend të nderit në historinë kombëtare .Prandaj, në 6-vjetorin e pavarësisë, të gjithë së bashku kemi të drejtë të festojmë dhe të jemi krenarë,për sakrificën sublime të popullit ton
Heronjtë tanë ,dëshmorët tonë ,te të gjitha kohrave , më luftën e lavdishme e heroike të Ushtrisë Çlirimtaret Kosovës , përmbyllën përgjithmonë kalvarin e vuajtjeve e sakrificave për liri e pavarësi nacionale.
Të nderuar pjesëmarrës!
Me qenëse për personalitetet Kombëtare që po nderojmë sot me kompetencë do të flasin Historianet , neve na mbetet te ju themi një Lavdi të përjetshme dëshmorëve të Kombit : Lan Selimi , Mehmet Uka,Beqë Meta,Cane Tishuku ,Beqë Kukalaj e Nimon Dabiqaj Brahim Haderxhonaj dhe të gjithë dëshmorëve tjerë të Atdheut.
Andaj, në fund fare, të nderuar pjesëmarrës më lejoni që më këtë rast të ju uroi nga zemra juve dhe gjithë qytetarëve të komunës së Deçanit :Urime dhe gëzuar ditën e Pavarësisë së Kosovës .
Edhe një herë Lavdi të gjithë Dëshmorëve
Kryetari i LHK-së “Ali Hadri” dega në Deçan,Selim Lokaj , duke i vlerësuar lartë figurat Kombëtare tha se Deçani me rrethinë ka edhe njerëz të tjerë të cilët kanë dhen kontribut në vitin 1941, do të mundohemi që në një të ardhme ti publikojmë këta emra atëherë kur do të kem edhe të dhëna të mjaftueshme për ta, por në fjalimin e tije Lokaj , kërkoi nga presidentja e Kosovës Atifete Jahjaga, që ti dekretoi më titullin Dëshmorë të Kombit .
Ndërsa Prof.dr.Selim Daci ne fjalën e rastit renditi vlerat e këtyre figurave kombëtare duke thënë se puna jonë e përbashkët është obligim i yni dhe sakrifica e tyre ishte udhërrëfyes për një ditë siç është kjo sot.
Në këtë akademi kryetari i komunës z.Rasim Selmanaj ,ka nderuar më mirënjohje familjet e për Lan Selimi, Mehemt Uka ,Beqë Meta , Canë Tishuku, Beqë Kukalaj,Nimon Dabiqaj e Brahim Haderxhonaj
Po ashtu më mirënjohje është nderuar edhe Ambasadori i Shqipërisë në Kosovë Isalm Lauka, i cili falënderoi kryetari Selmanaj, për këtë mirënjohje dhe njëkohësisht LHK-në, duke shtuar se kujtimet më të mira gjatë këtyre 6 viteve si Ambasadorë i Shqipërisë në Kosovë i ka në Deçan e kjo e bën të ndihet si në shtypin e tije.
