Kryetari i Komunës z.Rasim Selmanaj, i shoqëruar nga drejtori i Urbanizmit z.Ramë Melaj , kanë pritur në takim Komandanti i Brigadës Shumëkombësh Battle Group WST OF-5 Angelo Minelli, me bashkëpunëtorë.
Kryetari Selmanaj , gjatë këtij takimi të parë më Komandantin Minelli, e njoftoi nga afër lidhur më gjendjen e sigurisë në komunën e Deçanit , punën dhe projektet te cilat ka realizuar komuna jon poashtu dhe projektet që janë duke u realizuar , njëkohësisht e vlerësoi larte bashkëpunimin mes komunës se Deçanit dhe KFOR-it Italian, ne realizimin e disa projekteve të përbashkëta, duke shpresuar që edhe tutje të kenë një bashkëpunim të ndërsjellë sikurse deri më tani. Edhe Komandanti i Brigadës Shumëkombësh Battle Group WST OF-5 Angelo Minelli, tha se jam në Kosovë ,në këtë mision tash e një muaj dhe ky takimi i imi më ju është i një rëndësie të veçantë më vet faktin se në duam që të vazhdojmë urat e miqësisë të ndërtuara më herët nga koleget tanë andaj sot unë pos që ju njoha nga afër do të ua prezantoi edhe një projekt për rregullimin e rrugës nga vendi i quajtur ,,Ura e Demës’’, që kalon pas Manastirit deri tek uji i thartë dhe lidhët më rrugën përgjatë grykës së Deçanit. Ky rregullim i rrugës do të ua mundësonte një qasje më të lehtë qytetarëve që dëshirojnë të vizitojnë ujin e thartë ose vendi e quajtur Gushavc. Edhe kryetari Selmanaj, e ka mirëpritur një nismë të tillë duke shtuar se rrugët e reja janë zhvillim I komunës së Deçanit, dhe nismat e tilla për ne si komunë janë të mirëseardhura.
