Kryetari i Komunës së Deçanit z.Rasim Selmanaj , më bashkëpunëtorë ka pritur sot në takim ministrin e Diasporës , Valon Murati.
Gjatë këtij takimi është biseduar kryesisht për koordinimin e aktiviteteve të përbashkëta dhe për pritjen sa më të mirë të bashkatdhetarëve tanë.
Më këtë raste kryetari i komunës tha se komuna Deçanit, ka një diasporë shumë të madhe dhe qëllimi ynë është që ti presim sa më mirë dhe tu ofrojmë shërbime më të mira.
Ne bashkë me Ministrin biseduam se në kuadër të koordinimit të punëve dhe aktiviteteve që kanë të bëjë me pritjen më të mirë të bashkatdhetarëve në ofrimin e shërbimeve më të mira, të dokumentacionit civil, ofrimin e ambientit më të mirë kulturor dhe i të gjithë atij aktiviteti që përfshihet përmes një kalendari. Natyrisht, ministri kërkoi nga ne që të ndërmarrim të gjitha veprimet, në mënyrë që kur të fillojnë të vijnë bashkatdhetarët t’i kenë të gjitha mundësitë e një pritje të mirë dhe e një ofrimi të shërbimit më të mirë”, tha pas takimit kryetari Rasim Selmanaj
Ne dimë se Deçani ka një diasporë të madhe dhe qëllimi i vizitës nëpër komuna ka të bëj pikërisht që të jemi sa më afër më kryetaret e komunave që ti koordinojmë të gjitha aktivitete bashkë bashkatdhetarët tanë kanë nevojë që këtu ta gjejnë një ambient sa më të favorshëm për ta.
Gjithashtu, kemi rënë dakord që të punojmë bashkërisht në aktivitetet kulturore dhe në kalendarin e Ministrisë për muajin e diasporës po synojmë t’i fusim aktivitete kulturore, rinore e sportive që i ka paraparë Deçani, në mënyrë që ta bëjmë një broshurë dhe t’ua dorëzojmë bashkatdhetarëve kur të vijnë që në kufi”, ka thënë ministri Murati.
