Kryetari i Komunës z.Rasim Selmanaj , nënkryetari z.Sami Cacaj , shefi i personelit z.Ismet Kukleci dhe bashkëpunëtor të tjerë kanë pritur në takim përfaqësuesit e Sekretariatit për Siguri në Kosovë z.Bekim Podrimçaku Drejtor i Departamentit dhe analist për siguri, z.Kujtim Bytyqi zyrtar i lartë dhe z.Bledar Abazin nga MPB.
Qëllimi i këtij takimi ishte njoftimi në lidhje me”Strategjinë për Parandalimin e Ekstremizmit të Dhunshëm dhe Radikalizmit që shpie në Terrorizëm” dhe Planin e Veprimit.
Pas prezantimi të këtij projekti 5 vjeçar nga fondet e Partnerëve Ndërkombëtar në vlerë prej 5 milion € për ter Kosovën , komuna në bashkëpunim më organizatat jo qeveritare që veprojnë në komunën e Deçanit dhe mekanizmat tjerë institucional e fetar mund të krijojnë qasje duke hartuar projekte të natyrave të ndryshme për realizimin planit të veprimit i cili është hartuar nga MPB-ja . Ketë iniciativë e ka përkrahur kryetari i komunës z.Rasim Selmanaj duke shpreh gatishmërinë si institucion për bashkëpunim në realizim të projekteve të përbashkëta.
OJQ-të që veprojnë në komunë Deçanit rreth mënyrës së hartimit të projekteve mund të drejtohen tek institucioni i komunës së Deçanit për të mare informata shtesë rreth mënyrës së aplikimit dhe çfarë duhet të këtë brenda projektit të hartuar për të konkurruar në MPB.
