Ditë më parë, Komuna e Deçanit ka paralajmëruar padi për kompaninë austriake që po ndërton hidrocentralet në Grykën e Deçanit, për shkak të mos-respektimit të kontratës.
Kryetari I Komunës së Deçanit, Rasim Selmanaj ka takuar zv/ministrin e Mjedisit dhe Planifikimit Hapësinor, Ferat Shala, sekretarin permanent, Arben Qitaku dhe kryeinspektorin e kësaj ministrie Bedri Halimi.
Në këtë takim i biseduam aspektet që lidhen me projektin e hidrocentraleve në Deçan.Më kët rast kryetari Selmanja tha se :
“U dakorduam për aktivitete të përbashkëta dhe ishte poashtu qëndrim i përbashkët që kompania austriake duhet ti respektoj lejet dhe kontratën për ndërtimin e tri hidrocentraleve. Për çdo mosrespektim ka me u përball më padi në gjykata nga ministria dhe komuna. Pa alternativë kontrata duhet me u respektu dhe nuk do të tolerojmë që për asnjë moment të mbetet lumi pa ujë, poashtu duhet me e kthy gjendjen e lumit dhe rrugës sipas kontratës.
Ne mbetemi të përkushtuar për investime të huaja por duke i respektuar ligjet e Kosovës dhe standardet evropiane!
Shqetësimet e ngritura nga shoqëria civile, komuna dhe qytetarë janë të drejta”, than der të tjera kryetari Selmanaj pas takimit.
Ditë më parë Komuna e Deçanit ka paralajmërur se do të ngren padi për kompaninë austriake që po ndërton hidrocentralet në Grykën e Deçanit, për shkak të mos-respektimit të kontratës.
