Në mesazhin e kryetarit Selmanaj, thuhet se sinqeriteti, pastërtia shpirtërore, toleranca dhe solidarizimi me njëri tjetrin janë virtyte të larta njerëzore dhe për të cilat ne shquhemi si komb, prandaj edhe festa si kjo është vetëm konfirmim i radhës i të gjitha vlerave njerëzore dhe shpirtërore me të cilat jemi të brumosur tradicionalisht.
Kam kënaqësinë që në emër tim si kryetar i Komunës së Deçanit, të gjithë qytetarëve të Republikës së Kosovë në veçanti qytetaret e Komunës së Deçanit ti përgëzoj për përmbushjen e njërit prej obligimeve kryesore të fesë islame, dhe t’ua uroj ,,Fitër Bajramin’’, duke e lutur Allahun e Madhërishëm që të na ketë pranuar agjërimin, lutjet, ibadetet dhe punët e mira që i keni bërë gjatë këtij muaji në shenjët respekti ndaj krijuesit Fuqiplotë.
Festa e Fitër – Bajramit ngërthen në vete rikujtimin dhe përkushtimin ndaj Krijuesit të gjithësisë, të cilin besimtarët me të madhe e shprehën edhe gjatë muajit të madhëruar të Ramazanit. Na bashkoi adhurimi ndaj Zotit, bamirësia, mirëkuptimi, zeqati e sadakaja, si dhe solidariteti dhe përkujdesja ndaj të varfërve.
Ashtu si ishim të bashkuar, humanë e të dinjitetshëm, tolerantë e të disiplinuar gjatë muajit të agjërimit, ashtu duhet të jemi bashkë e unikë gjithherë për të çuar përpara vendin tonë atje ku synojmë të gjithë thuhet në urimin drejtuar të gjithë besimtareve të fes islame nga i pari i komunë së Deçanit z. Rasim Selmanaj.
