Sot, Kryetari i Komunës, z. Bashkim Ramosaj ishte në mesin e profesorëve universitar – shkencëtarëve të historisë, në promovimin e veprave të profesorëve Muhamet Qerimi, Dren Brahimaj dhe Ermal Baze.
Sot u promovuan veprat e tyre me tituj: Rastavica Vështrim Historik, Arbërit dhe Bizanti gjatë mesjetës (XI-XV) dhe Historia e mesjetës së mesme evropiane 1000-1300.
Nga folësit, recensent të librave që u promovuan sot, u tha se këto botime janë të një rëndësie të veçantë shkencore, për shkencën kosovare, si dhe me interes të madh për publikun e gjërë.
Urojmë që botime të tilla në fushën e historisë dhe trashëgimisë kulturore të ketë edhe në të ardhmen dhe ne zotohemi se do t’i përkrahim në vazhdimësi të gjitha ato punime-botime, të cilat kanë vlera të mirëfillta shkencore dhe profesionale.
Gjithmonë me synim që të prezentojmë dhe pasqyrojmë të kaluarën tonë të lavdishme, me theks të veçantë historinë, kulturën dhe traditën e qytetit të Deçanit.
