Kryetari i Komunës, z. Bashkim Ramosaj së bashku me Ndërmarrjen Publike Lokale “Higjiena” SH.A., përfaqësuar nga kryeshefi ekzekutiv z. Kushtrim Loshaj, krahas marrëveshjeve tjera për ofrimin e shërbimeve komunale në komunën tonë, nënshkruan edhe kontratën e re “Në Shtëpi” për periudhën 2023 – 2026, në vlerë prej 799,565.00 €.
Kjo marrëveshje siguron një menaxhim dhe mirëmbajtje të qëndrueshme të shërbimeve të ndryshme publike.
Ndihem i lumtur që këto shërbime të Komunës së Deçanit do të menaxhohen dhe ofrohen nga NPL “Higjiena”, të cilët angazhohen çdo ditë në mirëmbajtjen e hapësirave publike në Deçan, duke na bërë krenarë me sukseset e vazhdueshme dhe përkushtimin e madh për të mbajtur Deçanin e pastër dhe ekologjik.
