Kryetari I Komunës së Deçanit z. Rasim Selmanaj I shoqëruar nga një pjesë e stafit të tij ka inspektuar punimet që po i bënë kompania “VALA”, në ndërtimin e trotuarit përgjatë magjistrales Deçan –Pejë, saktësisht nga Fshati Strellcë i Epërm deri në Deçan. Ky tretuar i cili shumë shpejt pritet të përfundoj është mundësuar nga bashkëfinancimi i Komunës së Deçanit dhe Ministria e Infrastrukturës së Republikës së Kosovës, kosto e këtij investimi është 160,000 euro.
. Duke u shprehur i kënaqur me intensitetin e punimeve, dhe mënyrën z.Selmanaj përgëzoj kompaninë “Vala” për punën që janë duke e bërë, me këtë rast kryetari tha se ndërtimi i këtij trotuari ka qenë i një rëndësie të veçante” Me ndërtimin e këtij trotuari, ne si komunë së bashku me Ministrin e Infrastrukturës , po ju mundësojmë një qarkullim më të lirshëm qytetarëve këmbësor, e në veçanti nxënësve të cilët udhëtojnë përgjatë magjistrales për në shkolla. Ky trotuare siguron në masë jetën e qytetarëve tanë ” tha me këtë rast Selmanaj.
Ndryshe me donacione, por edhe me vetë financim Komuna e Deçanit këtë vit pritët të ndërtoj edhe disa trotuare në pjesë të ndryshme, aty ku jeta e këmbësorëve shpeshherë vihet në rrezik.
