E kryesuar nga kryetari i komunës z.Rasim Selmanaj, është mbajtur mbledhja e Bordit të Drejtorëve e para për vitin 2011. Gjatë këtij takimi në mënyrë kritike është debatuar lidhur më disa parregullsi të cilat janë reflektuar gjatë vitit 2010. Kryetari Selemanaj, ka thënë se në këtë vit do të ketë zero tolerancë përballë përgjegjësisë në punë, respektimin e orarit të punë, përdorimin e automjeteve zyrtare dhe zbatimin e vendimeve dhe të rregulloreve. “Nuk do të lejojmë asnjë lëshim të këtyre sferave të punës dhe gjithnjë do të jemi në shërbim të qytetarë dhe përgjegjës për çdo cent të shpenzuar”, iu ka thënë Selmanaj, stafit ekzekutiv duke kërkuar përgjegjësinë e së cilit prej tyre dhe njëkohësisht punëtorëve të drejtorive komunale. Ai ka kërkuar raportet për punën e vitit të kaluar të gjitha drejtorive, sikurse edhe planin e punës për gjashtëmujorin e këtij viti. Në këtë takim është biseduar edhe për pikat e rendit të punës, të cilat do të shqyrtohen në seancën e parë të Kuvendit për këtë vit.
