Komuna e Deçanit dhe Komuna e Junikut, të cilat deri në vitin 2007 kanë ekzistuar si një komunë e vetme, akoma vazhdojnë ti kenë të pa definuara edhe shumë çështje. Ndonëse kanë kaluar gjitha këto vite të funksionimit të komunave, nga viti në vit është hasur në çështje të pa definuara.
Një nga çështjet e pa definuara mirë ka mbetur edhe çështja territoriale, apo kadastrale. Këtyre ditëve në bashkëpunim edhe me Agjensionin Kadastral të Kosovës, po bëhet përpjekje që të rregullohet çështja e kufijve administrativ të këtyre komunave. Për këtë qëllim sot ka qëndruar për një vizitë në komunën e Deçanit kryetari i Komunës së Junikut z.Agron Kuçi me disa nga bashkëpunëtoret e tij të ngushtë. Në takim që ka mbajtur me kryetarin e Komunës sonë z.Rasim Selmanaj dhe një pjesë të ekzekutivit të Deçanit është diskutuar për shumë tema në interes të të dyja komunave,e me theks të veçantë është biseduar për nënshkrimin e një memorandumi, me të cilin do të nisin procedurat për përcaktimin e kufijve administrativë në mes të dy Komunave, në bashkëpunim me Agjensionin Kadastral të Kosovës. Për ne nuk janë me rëndësi kufjet administrativë, sa është më rëndësi mirëqenia sociale e qytetarëve tanë, çdo memorandum që shkon në favor të qytetarëve ne do ta pranojmë me kënaqësi tha gjatë këtij takimi mes tjerash kryetari i Komunës së Deçanit z.Rasim Selmanaj “ Ne pavarësisht faktit që funksionojmë si dy komuna, kur është në pyetje qytetari do të vazhdojmë të funksionojmë si komunë e veçantë. Është e drejt që ti kemi të përcaktuar kufijtë administrativë, prandaj jemi të gatshëm që të nënshkruajmë memorandumin, memorandum ky i cili do të shërbente si bazë për përcaktimin e kufijve administrativ të komunave tona.” Tha Selmanaj. Edhe homologu i tij Kuçi është shprehur se me definimin e saktë të kufijve administrativë mes Deçanit e Junikut, të dy komunat do ta kenë me të lehtë menaxhimin e territoreve të tyre. Ndryshe pas dakordimit të dy kryetarëve të Komunave Deçan e Junik, në bashkëpunim edhe me Agjensionin Kadastralë të Kosovës brenda pakë ditësh pritet që të nënshkruhet një memorandum, i cili do të mundësonte nisjen e procedurave të definimit të kufjeve administrativë në mesë të Komunës së Deçanit dhe të Junikut.
