Në kuadër të aktivitetit për ndërprerjen e prerjeve ilegale në pyje,por edhe të debateve që po zhvillohen rreth amandamentimit të Ligjit mbi Pyjet, Kryetari i Komunës, Rasim Selanaj, ka pritur Komisionin Paralajmëtar për Bujqësi dhe Mjedisit,
në udhëheqjen e kryetarit të këtij komisioni Nait Hasani. Selanai pasi i ka informuar të pranishmit për zhvillimet në komunë i ka njoftuar edhe për të arriturat në parandalimin e dukurisë së prerjeve ilegale të pyjeve të kësaj komune.
“Për shkak të vullnetit, për parandalimin e kësaj dukurie ndonjëherë kemi ndërmarrë edhe veprime të shpejta dhe kemi shpallur gjendje emergjente”, ka thënë kryetari Selmanaj duke treguar se këto veprime kanë parandaluar prerjet ilegale në masën deri në 70 për qind. Megjithatë, Selmanaj, nuk është shprehur i kënaqur, ngase sipas tij, në të gjitha nivelet duhet të shtrohet përgjegjësia dhe llogaridhënia. “Unë nuk do të nënshkruaj asnjë tender, sepse deri me tani me këto “letra” është legjitimuar shkatërrimi i pasurisë kombëtare në pyjet e kësaj komune”, është shprehur ai, duke kërkuar edhe ndihmën e anëtarëve të këtij komisioni dhe të deputeteve tjerë për të dhënë kontributin e tyre, lidhur me amandamentimet e paralajmëruar në ligjin për pyjet.
Nait Hasani, është deklaruar se në Parlamentin e Kosovës do të gëzojnë përkrahjen projektet dhe inisjativat e ndryshme që do të vijnë nga Deçani. “Themi kështu, ngase konsiderojë se Deçani e meriton këtë përkrahje dhe se është komuna më e varfër në vend”, ka nënvizuar ai, duke besuar se një përkrahje e tillë do të jetë edhe vullnet i shumicës së deputetëve të Kovendit të Republikës së Kosovës. Jemi në vizitë të shumë komunave, dhe krejt kjo është në funksion të informimit për gjendjen reale, ka treguar Hasani, i cili është shprehur i kënaqur me të arriturat e gjertanishme në këtë komunë.
