Vetëm pak ditë pas mbajtjes së zgjedhjeve lokale në Kosovë, në Deçan, është mbajte takimi i radhës i këshillit komunal për siguri në Bashkësi i udhëhequr nga Kryetari i Komunës së Deçanit njëherësh edhe kryetar i këtij këshilli. Temë kryesore e anëtarëve të rregullt të KKSB-së,të cilëve sot u ishin bashkuar edhe përfaqësues të UNMIKUT ,OSCES, si dhe përfaqësues të dy shkollave te mesme te qytetit, ishte situata e sigurisë në Komunën tonë me theks të veçantë është diskutuar për gjendjen e sigurisë gjatë fushatës parazgjedhore të zgjedhjeve lokale të 03 nëntorit, me ç’rast sipas raporteve zyrtare të policisë është thënë se edhe fushata parazgjedhore por edhe procesi zgjedhorë në Komunën e Deçanit, kanë përfunduar në një situatë të qetë dhe pa incidente.
Komandanti i Stacionit Policorë në Deçan, tog.Sejdi Dobraj, tha se gjitha subjektet politike në Deçan që kanë qenë në garë kanë treguar pjekuri të lartë “ E gjithë fushata parazgjedhore, por edhe dita e zgjedhjeve në komunën tonë ka qenë në frymën e një fushate demokratike. Ekipet tona të Policisë stacioni në Deçan, i kanë përcjell nga afër të gjitha tubimet elektorale të të gjitha subjekteve Politike, dhe nga raportet zyrtare qe kemi, del se Deçani prin si Komunë në të cilën fushata parazgjedhore por edhe dita e zgjedhjeve ka kaluar pa ndonjë incident. Prandaj në emrin tim dua ti falënderoj gjitha partitë Politike, udhëheqësit, por në veçanti qytetarët për maturin e tyre.” Tha tog.Dobraj.
Në këtë takim është diskutuar edhe për sigurinë në shkolla, me theks të veçante në dy shkollat e Mesme. Kryetari i Komunës z.Rasim Selmanaj ka kërkuar nga Komandanti i Policisë në Deçan, që në kohet kur nxënësit vinë dhe dalin nga shkolla të ketë patrulla të Policisë përgjatë rrugës “Haki Povataj” dhe në Qendër të qytetit, kryesisht tek stacionet e autobusëve.
“Duke i parë incidentet, që po na ndodhin kohë pas kohe në këto pjesë, ku nxënsit po përfshihen në rrahje, e që në disa raste po përdoren edhe mjete të ftohta, kërkoj me ngulm, nga ju si Komandant i stacionit Policorë që të hartoni plane, që në oraret e caktuara kur nxënësit shkojnë në shkollë dhe dalin nga shkolla të ketë patrulla të Policisë në qendër të qytetit dhe përgjatë rrugës “Haki Povataj”, pra në drejtimi të dy shkollave të mesme. Kjo jo që të ngjajmë si qytet Policorë, por në një shtet ligjor, ku edhe sipas motos së Policisë “Populli është Policia, e Policia është Populli” ju ta jetësoni këtë slogan” tha kryetari Selmanaj.
Komandanti Dobraj është zotuar para këshillit komunal për siguri në bashkësi, se nga ora 07:30 deri në ora 08:00, pastaj nga ora 12:45 deri ne 13:00 dhe 17:45 deri ne 18:00, patrulla të Policisë do të jenë prezentë në rrugën “Haki Povataj” dhe në ç’nder të qytetit. Kjo sipas tij do të jetë si një nga masat preventive të parandalimit të incidenteve të ndryshme që gjatë viteve të kaluara e kanë qenë shqetësim për qytetarët e Komunës së Deçanit
