Në 15 vjetorin e fillimit të luftës frontale në Dukagjin dhe 14 vjetorit ndërhyrjes së forcave të NATO-s ne Kosovë, nën përkujdesjen e komunë së Deçanit ,në Gllogjan të Deçanit është mbajë manifestim madhështorë për nder të kësaj dite.
Qindra qytetarë nga të gjitha viset shqiptare që nga orët e para të mëngjesit të 24 Marsit, kishin marshuar drejt Gllogjanit, për të nderuar dëshmorët e Kombit në Kompleksin Memorial në Gllogjan , njëkohësisht dhe për të ju bashkuar edhe manifestimit për nder të kësaj dite.
Zyrtar institucional,familjarë te dëshmorëve , bashkëluftëtar të të rënëve dhe qytetarë të shumtë .Në këtë përvjetorë jubilarë i pranishëm ishte edhe vet kryeprotogonisti i 24 Marsit Ramush Haradinaj.
Këtë përvjetorë jubilarë e ka nisur kryetari i komunës së Deçanit Rasim Selmanaj, më një fjalë rasti duke thënë se. Në Gllogjanin e lavdisë, në vendin ku ishin formuar lëvizjet e viteve të 80–ta, Haradinajt po bënin bashkë pushkët e tyre me pushkët e Jasharëve në Drenicë, për çlirimin e atdheut. E, pikërisht 15 vjet më parë, krismat e armëve çlirimtare këtu, po shënonin fuqishëm fillimin e një epoke të re për Kosovën dhe popullin tonë.
Këtyre krismave të lirisë iu bashkua populli, sepse dhuna e poshtërimi mbi të kishte arritur kulmin.
Atë ditë ranë për të mos u harruar kurrë dëshmorët e parë: Agron e Gazmend Mehmetaj dhe Himë Haradinaj. Sot, kur kanë kaluar 15 vjet, populli ynë përulet para të gjithë të rënëve për liri dhe iu është mirënjohës aleatëve ndërkombëtarë për ndihmën e dhënë.Ish-komandanti Ramush Haradinaj, kryeministër pas luftës, i cilësuar jo një herë edhe nga ndërkombëtarët si hero i luftës dhe i paqes, triumfalisht u kthye muaj më parë këtu, ku kishte nisur epokën e shqiptarëve.
Ramushi kishte triumfuar në gjyqin e parë, e triumfoi edhe në gjyqin e dytë. Ne besonim plotësisht në pafajësinë e tij, në pastërtinë e luftës së popullit tonë. Andaj, sot jemi krenarë me Ramushin dhe me luftën tonë të drejtë. Ne sot, krahas 15-vjetorit të Epopesë së UÇK-së për Rrafshin e Dukagjinit, po e përkujtojmë, me falënderim dhe mirënjohje të veçantë, edhe 14-vjetorin e sulmit të NATO-s ndaj forcave serbe. Sot, në këtë ditë lavdie, ndaj të rënëve jemi të obliguar përjetë dhe brez pas brezi. Së pari t’i sendërtojmë idealet e tyre, por edhe ta ruajmë, gjithnjë e më të gjallë kujtimin e pavdekshëm dhe lavdinë e tyre.Ky është obligim dhe mision i yni.
Ndërsa Komandanti i ish Zonës Operative të Dukagjinit dhe kryetari i Aleancës për Ardhmërinë e Kosovës, Ramush Haradinaj ,tha se në këtë vend është një pjesë e madhe e historisë e të gjitha gjeneratave që kanë bërë shumë për këtë vend dhe së pari duhet që ata t’i nderojmë.“Në rast se shërbehemi me pastërti të veprës tonë të kaluar me siguri që do ta dimë si të veprojmë në të ardhmen. Ne do të punojmë në forcimin e lirisë dhe shtetit të Kosovës dhe ky forcim do të ndihmon gjithë shqiptarët kudo që janë”, ka thënë Haradinaj.
E në emër të Organizatave të Dala nga Lufta e UÇK-së,Kol.Adyl Mushkolaj, tha se sot këtu në Gllogjan, në vendin e bashkimit të zërit të atdheut frymëzohemi për të ardhmen.Duke thën se ky përvjetorë është më madhështorë sepse pas shumë vitesh në mesin tonë xhindet edhe njeriu i cili dëshmoi pastërtinë e luftës së drejt të UÇK-së , njeriu që bëri shumë për vendin Ramush Haradinaj.
Ndërsa, Steven Shuck kërkoi që të ndalemi për një sekondë dhe të mendojmë për ata që bënë sakrificën dhe pavarësinë që gëzojmë sepse djemtë dhe vajzat e UÇK-së ranë për lirinë e Kosovës.
"Lufta që bëri UÇK ishte e ligjshme, e drejt, e moralshme për të mbrojtur familjet e veta dhe pavarësinë që sot po e shijoni të gjithë dhe është koha që të kujtojmë rolin që kishte NATO-së, për të iu ndihmuar për pavarësinë tuja”, ka thënë ai.
Ky manifestim është organizuar për nderë të 15 vjetorit të fillimit të luftës frontale në Dukagjin dhe njëkohësisht 14 vjetorit të intervenimit të NATO-së mbi caqet serbe në Kosovë . Ndryshe ky manifestim i dy datave të rëndësishëm është përmbyllur më një program të pasur kulturoror- artistik.
