Në fshatin Kodrali të Deçanit , është mbajte manifestim përkujtimorë ku është bërë edhe zbulimi i pllakës përkujtimore dhe Kompleksit Memorial të dëshmorit Nimon Musaj-Hoxha. Të pranishëm në këtë ,manifestim përkujtimorë ishin i pari i komunës z.Rasim Selmanaj, Bacë Hilmi Haradinaj ,Kol /Abdyl Mushkolaj , familjarë bashkëluftëtarë të Nimon Musaj.
Ne fjalën e tije i pari i komunës z.Rasim Selmanaj, tha se jam i nderuar që sot, më jepet rasti të flas në këtë ngjarje të shënuar nderimi e respekti për mësuesin dëshmor, bashkëveprimtarin dhe mikun tim të nderuar Nimon Musaj. Sot së bashku me ju ndjej dhembje dhe krenari për njeriun e urtë, me të cilin bashkëvepruam në kohë të vështira në përpjekjet e gjithanshme të rezistencës kundër okupuesve serbë. Me të cilin i ndamë përvojat e vështira, por njëkohësisht edhe tepër të vlefshme, të çmueshme e krenare, të punës me nxënës, për arsimimin dhe edukimin e gjeneratave të reja në arsim në shkollën fillore të Irzniqit, nga e cila dolën luftëtarë trima që me armë në dorë iu kundërvunë pushtuesit, ku shumë prej këtyre nxënësve ranë dëshmorë lirie.
Jo për të thënë fjalë lavdie në raste të tilla, por mësuesi-dëshmor Nimon Musaj, ishte njeri në kuptimin e plotë të fjalës, që dinte të jepte e të merrte respekt, që dinte të nderonte e të nderohej. Njeri që nxënësve të vet, vendit të vet, popullit të vet ia kushtoi gjithë veprimtarinë jetësore dhe në fund ia fali edhe jetën si dëshmor i Ushtrisë së lavdishme Çlirimtare të Kosovës!
Të nderuar të pranishëm, Po a ka gjë më të mirë, a ka nder e vlerësim më të lartë se të jesh mësues-dëshmor, siç është Nimon Musaj? – Natyrisht se jo!
Zbulimi që po i bëjmë sot kësaj pllake përkujtimore dhe Kompleksit Memorial të dëshmorit Nimon Musaj, i bën nder vendlindjes së tij, i bën nder komunës së Deçanit, i bën nder Kosovës, i bën nder gjithë kombit shqiptar. Poshtu në këtë manifestim përkujtimorë të pranishmit i ka përshëndetur Izet Musaj në emër të familjes.
Më këtë raste është bërë edhe zbulimi i pllakës përkujtimore nga i pari i komunës z.Rasim Selmanaj, Bac Hilmi Haradinaj ,Kol /Abdyl Mushkolaj, , dhe djali i dëshmorit Asim Musaj.
