Mbahet mbledhja e II-të e rregullt e KPF-së
E udhëhequr nga kryesuesi i Asamblesë Komunale z.Hajdar Sutaj, në prezencë të anëtarëve të KPF-së, u mbajt mbledhja e dytë e Komitetit për Politikë dhe Financa. Në takim të pranishëm ishin edhe drejtoresha për Buxhet dhe Financa znj.Dafina Cacaj, drejtori për Arsim z.Bekim Vishaj, drejtoresha për Rini, Kulturë dhe Sport znj.Leonora Ukëhajdaraj dhe drejtoresha për Shëndetësi znj.Agnesa Vokshi
Për këtë mbledhje ishte propozuar ky rend pune:
1.Shqyrtimi dhe miratimi i procesverbalit nga mbledhja e kaluar
2.Shqyrtimi i raportit të punës së Kryetarit të Komunës për vitin 2021
3.Shqyritmi i raportit të Auditorit të jashtëm për vitin 2020
4.Shqyrtimi propozimit për bartjen e të hyrave vetanake nga viti paraprak 2021 në vitin aktual fiskal 2022
5. Shqyrtimi i listës së projekteve kapitale nga fondi rezervë
6.Shqyrtimi i propozimit për aprovimin e mjeteve buxhetore për aktivitetet e Komunës dhe data me rëndësi gjatë vitit 2022
7.Shqyrtimi i propozimit për caktimin e lokacionit për ndërtimin e çerdhes së fëmijëve në SH.F.M.U ‘’Lidhja e Prizrenit’’
8.Shqyrtimi i kërkesave
9.Të ndryshme
Takimin e hapi kryesuesi i Asamblesë z.Sutaj. Pas miratimit të procesverbalit nga mbledhja e kaluar si pikë e parë e rendit të ditës, mbledhja vazhdoj me pikat e tjera.
Sa i përket pikës së dytë dhe të tretë, në lidhje me shqyrtimin e raportit të punës së Kryetarit të Komunës për vitin 2021 dhe shqyrtimin e raportit të Auditorit të jashtëm për vitin 2020, pas diskutimeve nga anëtarët e KPF-së u mor vendim qe këto çështje të kalojnë për diskutim në takimin e Asamblesë Komunale.
Pas diskutimeve të anëtarëve të KPF-së dhe drejtorëve prezent në takim u miratuan edhe pikat 5,6 dhe 7 të rendit të ditës, por u kërkuan sqarime shtesë në seancën e rregullt.
Në pikën e 8 të rendit të ditës pas shqyrtimit të kërkesave u votuan dhe u aprovuan këto kërkesa:
-Përkrahje financiare për botimin e librit ‘’Klubi i debatit Deçani ‘’ – Adem Lushaj
-Përkrahje financiare për z.Nasim Haradinaj
-Përkrahje financiare për nevoja shëndetësore për z.Endrit Januzaj
-Përkrahje financiare për organizmin n`Carrabreg dhurohet gjak
Si dhe kërkesa për pagesën e shtesave për Covid-19 për punëtorët me kontratë në QKMF.
