E udhëhequr nga kryesuesi z.Hajdar Sutaj, në prezencë të anëtarëve të KPF-së, u mbajt mbledhja e tretë e rregullt e Komitetit për Politikë dhe Financa. Në takim të pranishëm ishin edhe drejtoresha për Buxhet dhe Financa, znj.Dafina Cacaj dhe drejtori i Shërbimeve, Publike, z.Izet Zenuni.
Për këtë mbledhje ishte propozuar ky rend pune:
1.Shqyrtimi dhe miratimi nga procesverbali nga mbledhja e kaluar
2.Shqyrtimi i Planit të punës së Komitetit të Komuniteteve Mars-Dhjetor 2022
3. Shqyrtimi i Planit të punës së Zyrës për Komunitete dhe Kthim Mars-Dhjetor 2022
4.Shqyrtimi i Raportit analitik financiar për vitin 2021
5.Shqyrtimi i Propozimit të Kryetarit të Komunës për Themelimin e Muzeut të Deçanit
6.Shqyrtimi i Model Rregullores për Shërbimet Publike Komunale
7.Shqyrtimi i Rregullores për punën e komisionit për emërtimin, riemërtimin e shesheve, rrugëve, rrugicave dhe vendeve të tjera publike
8.Shqyrtimi i kërkesës për mbështetje financiare të projektit për botimin e librit ‘’Trashëgimia Arkeologjike e Komunës së Deçanit’’, shuma 9.840.00 euro.
9.Shqyrtimi i kërkesave
10.Të ndryshme
Pas shqyrtimit dhe miratimit të procesverbalit nga mbledhja e kaluar me disa rekomandime nga anëtarët e Komitetit, mbledhja vazhdoi me diskutimin e pikave të tjera të rendit të ditës, për të cilat u morr vendim që të kalohen për shqyrtim në mbledhjen e rregullt të Kuvendit të Komunës.
