Të pranishëm ishin Kryetari i Komunës, z. Bashkim Ramosaj, anëtarët e kuvendit, drejtorët e drejtorive komunale, zyrtarët komunal.
Për këtë mbledhje të cilen e udhëheqi Kryesuesi i Kuvendit z. Hajdar Sutaj, i cili propozoi këtë rend pune;
Shqyrtimi dhe aprovimi i Planit të punës së Kuvendit për vitin 2025, i cili u miratua unanimisht nga të gjithë anëtarët e Kuvendit
Shqyrtimi dhe miratimi i Planit të KKSB-së (Këshilli Komunal i Sigurisë në Bashki) për vitin 2025, për të cilin raportoi Gentiana Iberhysaj në lidhje me sfidat dhe të arriturat, për sigurinë në nivel komune, dhe bashkëpunimin e mirë në mes të institucioneve publike në Deçan.
Shqyrtimi i raportit të punës njëvjeçare të Kryetarit të Komunes z. Bashkim Ramosaj, ku me këtë rast u shtjelluan sfidat dhe të arriturat , si dhe projektet e realizuara të cilat ndikojnë në të mirë të qytetarëve të Komunës së Deçanit.
Shqyrtimi i raportit të punës njëvjeçare të Komitetit të Komuniteteve; nga kryetari i këtij komisioni Shkelzen Berisha u prezantuan disa nga aktivitetet e realizuara në vitin 2024, dhe u diskutua për sfidat që i përcjellin komunitetet pakicë në Deçan, ndër tjera Kuvendi u zotuam për mbështetje të vazhdueshme për ta.
Shqyrtimi i raportit analitik financiar për vitin 2024; që paraqiste në detaje shpenzimet dhe detyrimet e përmbushura për vitin 2024, për të cilin shumica e Kuvendit e mbështeti, edhe pas sqarimeve që morën nga drejtoresha për Buxhet dhe Financa Dafina Cacaj.
Shyrtimi dhe miratimi i Propozim Vendimit të komisionit Komunal për emërim të rrugëve – Lista me emra rezervë të rrugëve të Komunes së Deçanit; që u përkrah unanimisht, pas një punë të mirë dhe maratonike të Komisionit për Emërtim të Rrugëve, Rrugicave, Shesheve dhe Vendeve tjera Publike.
Të ndryshme; si zakonisht anëtarët e Kuvendit shtruan pyetje direkte nga qytetarët për drejtorët e drejtorive për të cilat do të marrin përgjigje në seancën e rradhës.
