Me një mbledhje Komemorative, nga familjar dhe kolegë të shumtë, iu dha lamtumira e fundit, doktorit shumë vjeçar, Shyt Shala, i cili tragjikisht humbi jetën në aksident trafiku, gjatë kthimit të tij nga vendi i punës. Sipas kolegëve të tij, doktor Shyti, la gjurmë të paharrueshme, si në luftë, ashtu në paqe. Ai, më shumë se 30 vite ishte në shërbim të qytetarëve të tij, edhe në ditët më të vështira, duke rrezikuar edhe vetën edhe familjen e tij. Gjatë luftës, shtëpia e tij, ishte shndërruar në spital për tu ndal në ndihmë popullatës, çka ka bërë që, kjo shtëpi të granatohet nga forcat serbe, duke ia plagosur rëndë, bashkëshorten e Eminen. 
Për, Haki Shehaj, drejtor i Drejtorisë Komunale për Shëndetësi, një heritë edhe koleg shumë vjeçar, doktor Shytit nder të tjera tha se po ndahemi ashtu papritmas siç di vdekja të na befasoj prej një punëtori të zellshëm mjeku humanisti I cili tërë jetën ia kushtoj vendit të vet njerëzve të vet I gatshëm në çdo kohë të jetë në shërbim të pacientit. Mantilbardhet e komunës sonë, lajmin për ndarje nga jeta të kolegut të tyre e morën jo mirë, siç nuk e morën as pacient e Dr.Shytit, miq e qytetar të shumtë. “Vdekja e pamëshirshme, na mori kolegun dhe bashkëpunëtorin tonë, punëtorin e zellshëm të shëndetësisë, i cili ishte shembull për gjithë kolegët e profesionit, se si duhet respektuar betimi i dhënë”, është shprehur Shehaj, për të cilin, shëndetësia Deçanase, humbi një punëtor që la gjurmë të pashlyera për vite me radhë.Në emër të kolegëve të Qendrës Kryesore të Mjekësisë Familjare të Deçanit, për jetën dhe vlerat profesionale dhe njerëzore, të doktor Shyt Shalës, ka fol Hajdar Rexhahmetaj, Ramadan Tahiraj,dhe Zrqir Bruqi të cilët të përlotur, ia dhanë lamtumirën e fundit këtij veprimtari të madh, jo vetëm në lëmin e shëndetësisë, por edhe në çështjen kombëtare. Ai punën e tij nuk e ndërpreu as në ditët me të vështira, gjatë luftës në ambulancën e tij në Prapaqan, gjeten ndihmë me dhjetëra të sëmur dhe të plagosur.Doktor Shyt Shala (1953), humbi jetën tragjikisht, në fshatin Kusuriq të Pejës, aksident të cilët e kishte konfirmuar edhe Drejtoria Rajonale e Policisë së Pejës.Trupi i tije është varrosur në vendlindjen e tije në fshatin Prapaqan të Komunës së Deçanit
