Duke u nisur nga situata e krijuar me ujë te pijes në komunën e Deçanit ,e cila ka krijuar shqetësime në radhët e qytetarëve dhe poashtu edhe të institucionit komunal, Kryetari i Komunës z.Rasim Selmanaj së bashku me stafin e tij ka pritur në një takim tre palësh përfaqësuesit e kompanisë,, KELKOSENERGY ‘’, të cilët po kryen punimet për ndërtimin e Hidrocentraleve. Në këtë takim të pranishëm ishin edhe përfaqësues të kompanisë rajonale ,,HIDRODRINI’’ ku dhe është vendosur nga tri subjektet që mos të vazhdojnë punimet derisa të këtë një plan të detajuar për implementimin e këtij projekti ku komuna dhe qytetarët të ndiheshin të sigurte që ky projekt gjatë realizimit të tij të mos na sjellë para situatës së dy tre ditëve më parë .Gjatë këtij takimi u morë vendim që kompania të marrë përsipër që situatën ta kthej në gjendjen e mëparshme,ky vendim ishte i përbashkët që implementimi i këtij projekti në aspektin e ujësjellësit të jetë i mbikëqyrur nga komuna dhe të implemetohët me kujdes të shtuar.
