Përfaqësuesit e dhjete fshatrave,Prejlep,Prokolluk,Irzniq,Gllogjan,Shaptej,Dubrav,Gramaqel,Jasiq,Bablloq dhe Rastavic , të cilat brenda pak ditësh pritet të furnizohen me uji të pijes, kanë mbajtur një takim me kryetarin e Komunës së Deçanit z.Rasim Selmanaj, me punë kryesin “Infraplus”, si dhe përfaqësues të Kompanisë së ujësjellësit të Deçanit, ku janë njoftuar në detaje rreth punëve të fazës finale që po behën në shtrirjen e gypit primarë, dhe për procedurat e tjera të mëtutjeshme.
Në këtë takim u bë e ditur se 20 korriku i këtij viti do të jetë data e fundit e përfundimit të shtrirjes së gypit primarë të ujësjellësit për dhjetë fshatrat e Komunës së Deçanit. Në këtë takim përfaqësuesit e fshatrave kanë shfaqur interesimin e tyre për procedurat e mëtejme të shtrirjes së gypave sekondarë dhe atyre tretëciarë. Banoret kërkuan që të gjitha fazat të përfundohen nga ana e institucioneve “ Ne tashme tre here kemi grumbulluar të holla për këtë ujësjellës, nuk jemi më në gjendje të participojmë, çdo ditë e më shumë po na rëndohet gjepi, andaj kërkojmë që ju të përfundoni edhe shtrirjen e gypave sekondarë” thanë me këtë ratë përfaqësues të fshatrave. Kryetari i Komunës së Deçanit , z.Rasim Selmanaj, tha për këtë çështje se do të gjinden forma “ Aty, ku banorët nuk kanë mundësi të participojnë, ne do të bëjmë zgjidhje. Përfaqësuesi i çdo fshati në koordinim me mua do të formojnë komisione mbikëqyrës të fshatrave, dhe bashkë arishtë do ti zgjidhim të gjitha problemet.
Ajo çfarë është më qenësorja, për mua si kryetar komune, por edhe si banor i një nga këto dhjetë fshatra është se ky projekt këtë vit duhet të përmbyllet, dhe këto dhjetë fshatra të kenë furnizim të bollshëm më uji dhe të pa ndërprerë” tha kryetari i Deçanit Selmanaj.
Në anën tjetër punë kryesi Musë Islamaj, nuk ka dhënë sqarime për gjithë përfaqësuesit e fshatrave që ishin në këtë takim.
Islamaj po ashtu i informoj ata edhe për mënyrat me të lehta dhe me të mira të kyçjes së gypave sekondar në ata primarë. Prezent në këtë takim informues, dhe këshillues ishte edhe drejtori i Operativës së Ujësjellësit të Deçanit, Adem Gjikokaj, i cili tha me këtë rast se kompania që ai drejton përgjegjës e mirëmbajtjes së ujësjellësit atëherë kur banoret të kenë uji në shtëpitë e tyre.
