Sot, në bazë të ligjit për takimet publike, në sallën e Kuvendit të Komunës është mbajtur Takimi i parë Publik me qytetarë, organizuar nga Kryetari i Komunës së Deçanit, z. Bashkim Ramosaj, drejtorët e Drejtorive, Kryesuesin e Kuvendit, me qëllim që të jemi sa më transparent dhe llogaridhënës karshi qytetarëve tonë.
Takimin e hapi Kryesuesi i Kuvendit, z. Hajdar Sutaj. Në këtë takim Kryetari i Komunës , z. Bashkim Ramosaj shpalosi para qytetarëve punën, aktivitetet, arritjet e vështirësitë me të cilat jemi përballur si komunë deri në këtë periudhë 6 mujore.
Kryetari Ramosaj renditi projektet të cilat janë në vazhdimësi nga viti i kaluar, për punët e përfunduara, për projektet që i kemi filluar këtë vit si dhe ato që janë në plan për vitin 2023.
Pas raportit të punës në gjashtëmujorin e parë, u hap debati me qytetarë ku Kryetari dhe Drejtorët u përgjigjën në pyetjet e shtruara nga qytetarët duke dhënë sqarimet e duhura për çështje të ndryshme që ata i preokopojnë.
