Ishte tepër e vështirë të flitet për Rifatin në kohën e shkuar. Ai ishte njeri i urtë, me zemër të madhe, që gjithmonë qëndroi pranë njerëzve me fjalë të mira, respekt dhe përkushtim. Në çdo takim, në çdo punë e në çdo sfidë, ai reflektonte njerëzi dhe mirësi.
Sot, salla ishte e mbushur me dhimbje, kujtime dhe heshtje që flisnin më shumë se fjalët. Humbëm një koleg të çmuar, një mik të sinqertë dhe një njeri që la gjurmë të pashlyeshme në komunën tonë dhe në zemrat e të gjithëve që e njohën.
Ngushëllimet më të sinqerta për familjen Stojkaj, e cila humbi më të dashurin e tyre, ndërsa ne humbëm një njeri që vështirë se do të zëvendësohet ndonjëherë.
Prehu i qetë, Rifat.
Kujtimi dhe emri yt do të jetojnë gjithmonë mes nesh.
